- Кёзю сокъурдан – къоркъма, кёлю сокъурдан – къоркъ.
- Джылар джаш, атасыны сакъалы бла ойнар.
- Айраннга суу къош, телиге джол бош.
- Аллахха ийнаннган кишини, Аллах онгдурур ишин.
- Байлыкъдан саулукъ ашхыды.
- Сёз садакъдан кючлюдю.
- Кёлсюзден сёзсюз тууар.
- Мен да «сен», дейме, сен да «кесим», дейсе.
- Ишлегенде эринме, ишде чолакъ кёрюнме.
- Гитче джилтин уллу элни джандырыр.
- Чыкълы кюнде чыкъмагъан, чыкъса къуру кирмеген.
- Башланнган иш битер, къымылдагъан тиш тюшер.
- Къая джолда джортма, ачыкъ сёзден къоркъма.
- Бети къызарыучу адамны, джюреги харам болмаз.
- Термилгенинги табмазса, кюлгенинге тюберсе.
- Эллинг бла джау болсанг да, юйюнг бла джау болма.
- Джыйырма къойну юч джыйырма эбзе кюте эди.
- Къонагъынгы артмагъын алма да, алгъышын ал.
- Кюлме джашха – келир башха.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чомарт бергенин айтмаз.
- Уллу атлама – абынырса, уллу къабма – къарылырса.
- Кёб джат да, бек чаб.
- Билимли ёлмез, билимсиз кёрмез.
- Кёб ант этген, кёб ётюрюк айтыр.
- Дууулдаса – бал чибин, къонса – къара чибин.
- Чомартны къолун джокълукъ байлар.
- Бал чибинни ургъаны – ачы, балы – татлы.
- Адамны джюреги нени кёрюрге сюйсе, кёзю да аны кёрюрге ёч болады.
- Джарлы эскисин джамаса, къууаныр.
- Юй ишлеген балта эшикде къалыр.
- Чомарт къонакъ юй иесин сыйлар.
- Аджаллыгъа окъсуз шкок атылыр.
- Тилде сюек болмаса да, сюек сындырыр.
- Этек чакъмакълары баш джаргъан, сёлешген сёзлери таш джаргъан.
- Адамны сабийин сюйген джюреги, бычакъча, джитиди.
- Этни да ашады, бетни да ашады.
- Ач келгенни – тойдур, кеч келгенни – къондур.
- Ишни ахырын ойламай, аллын башлама.
- Билим къая тешер.
- Бёрю да ач къалмасын, эчки да ашалмасын.
- Къошда джокъгъа – юлюш джокъ.
- Ач къарынны, токъ билмез
- Мураты болгъанны джюрек тебюую башхады.
- Ариу сёз – къылычдан джити.
- Иги сеники эсе да, сюйген кесимикин этеме.
- Къолу уллу – асыу, аягъы уллу – джарсыу.
- Аман киши кеси юйюнде – къонакъ.
- Къыйынлы джети элге оноу этер.
- Тешигини къатында, чычхан да батыр болур.