- Экеулен сёлеше тура эселе, орталарына барыб кирме.
- Къатын байлыкъны сюер, эр саулукъну сюер.
- Итли къонакъ джарашмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Миллетни бойну – базыкъ, аны бла кюрешген – джазыкъ.
- Айныгъанлы алты кюн, тогъайгъанлы тогъуз кюн.
- Къарнынг ауруса, ауузунгу тый
- Ишлемеген – тишлемез.
- Адамны адамлыгъы къыйынлыкъда айгъакъланады.
- Намысы болмагъанны, сыйы болмаз.
- Джол бла сёзню къыйыры джокъ.
- Бети – къучакълар, джюреги – бычакълар.
- Ачны эсинде – аш.
- Джан саулукъ бермей, сан саулукъ бермезсе.
- Кёб къычыргъандан – къоркъма, тынч олтургъандан – къоркъ.
- Къоркъакъны кёзю экили кёрюр.
- Байны къызы баймакъ болса да, юйде къалмаз!
- Чомартны къолу берекет.
- Эм уллу байлыкъ – джан саулукъ.
- Акъыллы – эл иеси, тели – эл баласы.
- Къулакъдан эсе, кёзге ышан.
- Нёгер болсанг, тенг бол, тенг болмасанг, кенг бол.
- Эм ашхы къайын ана мамукъ бла башынгы тешер.
- Къызны минг тилер, бир алыр.
- Ёксюзню къалачы уллу кёрюнюр.
- Дууулдаса – бал чибин, къонса – къара чибин.
- Элде адам къалмаса, ит тахтагъа минер.
- Эл ауузу – элия.
- Дуния малгъа сатылма, кесингден телиге къатылма.
- Элни кючю – эмеген.
- Эр абынмай, эл танымаз.
- Джыйырма къойну юч джыйырма эбзе кюте эди.
- Суу кетер, таш къалыр.
- Башланнган иш битер, къымылдагъан тиш тюшер.
- Намысы джокъну – дуниясы джокъ.
- Туз, гырджын аша, тюзлюк бла джаша.
- Терек ауса, отунчу – кёб.
- Душманны тышы – акъ, ичи – къара.
- Къар – келтирди, суу – элтди.
- Рысхы – насыбха къор.
- Аш берме да, къаш бер.
- Дуния мал дунияда къалады.
- Ишлерге уял да, ашаргъа табма.
- Айыбны суу бла джууалмазса.
- Къарт бла баш аша, джаш бла аякъ аша.
- Ишленмеклик адамлыкъды.
- Эки къатын алгъан – эки ташны ортасына башын салгъан.
- Тамырсыз терекге таянма – джыгъылырса.
- Тилчиден кери бол.
- Тели турса – той бузар.
