- Кесинге джетмегенни, кёб сёлешме.
- Кёб джат да, бек чаб.
- Ачыу алгъа келсе, акъыл артха къалады.
- Аджашханны ызындагъы кёреди, джангылгъанны джанындагъы биледи.
- Халкъны джырын джырласанг, халкъ санга эжиу этер.
- Ач, тоймам, дейди, тойгъан, ач болмам, дейди.
- Чомарт бергенин айтмаз.
- Тенгни тенглиги джашай барсанг билинир.
- Абынмазлыкъ аякъ джокъ, джангылмазлыкъ джаякъ джокъ.
- Джаханимни кёрмей, джандетге кёл салмазса.
- Чомартны къолу берекет.
- Алим болгъандан эсе, адам болгъан къыйынды.
- Байлыкъ тауусулур, билим тауусулмаз.
- Иги сеники эсе да, сюйген кесимикин этеме.
- Кёбню кёрген – кёб билир.
- Аллахдан тилесенг, кёб тиле.
- Тойгъан джерге джети къайт.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Азыкъ аз болса, эртде орун сал.
- Дууулдаса – бал чибин, къонса – къара чибин.
- Оюмсуз атлагъан, аджалсыз ёлюр.
- Къан бла кирген, джан бла чыгъар.
- Этни да ашады, бетни да ашады.
- Джумушакъ терекни къурт ашар.
- Биреу ашаб къутулур, биреу джалаб тутулур.
- Ётюрюкню башын керти кесер.
- Сормай – алма, чакъырылмай – барма.
- Эски джаугъа ышанма.
- Ёксюзню къалачы уллу кёрюнюр.
- Телини эшигин, махтау джабар.
- Кийимни бичсенг, кенг бич, тар этген къыйын тюлдю.
- Ёзденликни кёбю ётюрюк.
- Аурууну келиую тынч, кетиую – къыйын.
- Итли къонакъ джарашмаз.
- Тыш элде солтан болгъандан эсе, кесинги элде олтан болгъан игиди!
- Ашлыкъ – бюртюкден, джюн – тюкден.
- Адам сёзюнден белгили.
- Адеб джокъда, намыс джокъ.
- Ашатыргъа иш – ашхы, ишлетирге аш – ашхы.
- Арбаз сайлама да, хоншу сайла.
- Таукел къуру къалмаз.
- Тёзген – тёш ашар!
- Башы джабылгъан челекге, кир тюшмез.
- Эрни эр этерик да, къара джер этерик да, тиширыуду.
- Мадар болса, къадар болур.
- Уясында не кёрсе, учханында аны этер.
- Джырына кёре эжиую.
- Этек чакъмакълары баш джаргъан, сёлешген сёзлери таш джаргъан.
- Ишге юренсин къоллары, халкъ бла болсун джоллары.
- Ач – эснер, ат – кишнер.