- Элни кючю – эмеген.
- Эте билген, этген этеди, эте билмеген, юретген этеди!
- Джарлы джети элни сёзюн этер.
- Эл тойса, тоймагъан, эл къойса, къоймагъан.
- Нарт сёз – тилни бети.
- Адам къыйынлыгъын кёлтюрюр, зауукълугъун кёлтюрмез.
- Дуния малгъа сатылма, кесингден телиге къатылма.
- Къыз келсе, джумуш эте келеди, къатын келсе, ушакъ эте келеди.
- Алтыда кюлмеген, алтмышда кюлмез.
- Баланы адам этген анады.
- Шекер бла туз – бир болмаз, ушамагъан – юй болмаз.
- Юйлю уругъа ит чабмаз.
- Тёрде – темир таякълы, къаяда – чыпчыкъ аякълы.
- Тюзлюк тас болмайды.
- Къайгъыны сюйген, къайгъы табар.
- Джан саулукъ бермей, сан саулукъ бермезсе.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кютгени беш эчки, сызгъыргъаны уа, джерни джарады.
- Тойну къарнашы – харс, джырны къарнашы – эжиу.
- Джолда аягъынга сакъ бол, ушакъда тилинге сакъ бол.
- Хаухну атма, ёнгкючню сатма.
- Окъуу – билимни ачхычы, окъуу – дунияны бачхычы.
- Сабийни джумушха джибер да, ызындан бар.
- Къолунгдан къуймакъ ашатсанг да, атаны борчундан къутулмазса.
- Хантына кёре тузу, юйюне кёре къызы.
- Кёл ашады да, кеси ашады.
- Шайтан алдады, тюзлюк къаргъады.
- Дженгил джетерикме деб, узун джолну къоюб, къысхасын барма.
- Харам къарнашдан, халал тенг ашхы.
- Ёлген эшек бёрюден къоркъмайды.
- Сангырау къулакъ эл бузар.
- Джаханимни кёрмей, джандетге кёл салмазса.
- Билимсиз иш бармаз.
- Тёзгеннге, джабылгъан эшик ачылыр.
- Сютню башын джалагъан къутулур, тюбюн ичген тутулур.
- Эринчекни эр алмаз, эр алса да, кёл салмаз, кёл салса да, кёб бармаз!
- Адамны аты башхача, акъылы да башхады.
- Чомартны къолун джокълукъ байлар.
- Башынга джетмегенни сорма.
- Аман адам элни бир-бирине джау этер.
- Айранын берсенг, челегин да къызгъанма.
- Хатерли къул болур.
- Байма, деб да, къууанма, джарлыма, деб да, джылама.
- Элде адам къалмаса, ит тахтагъа минер.
- Ишлерге уял да, ашаргъа табма.
- Этни бети бла шорпасы.
- Тау башында, тау болмаз, джангыз терек, бау болмаз.
- Эски джаугъа ышанма.
- Таукел адам тау тешер.
- Къумурсхала джыйылсала, пилни да джыгъадыла.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)