- Ауузу бла къуш тута айланады.
- Тенги кёбню джау алмаз, акъылы кёбню дау алмаз.
- Ишлегенде эринме, ишде чолакъ кёрюнме.
- Къарнынг тойгъунчу аша да, белинг талгъынчы ишле.
- Башы джабылгъан челекге, кир тюшмез.
- Элде адам къалмаса, ит тахтагъа минер.
- Тюз сёз баргъан сууну тыяр.
- Бал чибинни ургъаны – ачы, балы – татлы.
- Кирсизни – саны таза, халалны – къаны таза.
- Эркишиге тары кебек танг кёрюнюр.
- Биреу къой излей, биреу той излей.
- Ишленмеклик адамлыкъды.
- Ётюрюкню башын керти кесер.
- Билеги кючлю, бирни джыгъар, билими кючлю, мингни джыгъар.
- Халкъны юйю – туугъан джери.
- Арыгъан къош чамчы болур.
- Шекер бла туз – бир болмаз, ушамагъан – юй болмаз.
- Эски джаугъа ышанма.
- Шайтан алдады, тюзлюк къаргъады.
- Тюкюрюк баш джармаз, налат кёз чыгъармаз!
- Аманны эки битли тону болур, бирин сеннге кийдирир, бирин кеси киер.
- Къарт бла баш аша, джаш бла аякъ аша.
- Билим насыб берир, билим джолну керир.
- Ким бла джюрюсенг, аны кёзю бла кёрюнюрсе.
- Чомарт къонакъ юй иесин сыйлар.
- Джолунга кёре – джюрюшюнг, джагъанга кёре – юлюшюнг.
- Аман адам этегингден тутса, кес да къач.
- Чоюнну башы ачыкъ болса, итге уят керекди.
- Ариу джол аджал келтирмез.
- Кеси юйюмде мен да ханма.
- Сакъ юйюне сау барыр.
- Къатыны харакетли болса, эри къымсыз болур.
- Аман къатын алгъан, арыр, иги къатын алгъан джарыр.
- Окъугъан озар, окъумагъан тозар.
- Ашхы болсанг, атынг чыгъар, аман болсанг, джанынг чыгъар.
- Тюзлюк тас болмайды.
- Джиби бир къат джетмей эди да, эки къат тарта эди.
- Ашатыргъа иш – ашхы, ишлетирге аш – ашхы.
- Джыгъылгъанны сырты джерден тоймаз.
- Аз айтсам, кёб ангылагъыз.
- Къарны аманнга къазан такъдырма, къолу аманнга от джакъдырма.
- Байлыкъ келсе, акъыл кетер.
- Билмезни кёзю кёрмез, этмезни къулагъы эшитмез.
- Сыфатында болмагъаны, суратында болмаз.
- Ашхы тенг джолгъа салыр, аман тенг джолдан тайдырыр.
- Ауурну тюбю бла, дженгилни башы бла джюрюген.
- Атлыны ашхысы, ат тизгининден билинир
- Кёпюр салгъан кеси ётер, уру къазгъан кеси кетер.
- Къыз келсе, джумуш эте келеди, къатын келсе, ушакъ эте келеди.
- Aдам боллукъ, сыфатындан белгили.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)