- Биреуню тёрюнден, кесинги эшик артынг игиди.
- Джети тилни билген джети кишиди.
- Ашхы – джыяр, аман – джояр.
- Айран тёгюлсе, джугъусу къалыр.
- Орну джокъну – сыйы джокъ.
- Тенги кёбню джау алмаз, акъылы кёбню дау алмаз.
- Тиширыусуз юй – отсуз от джагъа.
- Эм ашхы къайын ана мамукъ бла башынгы тешер.
- Юйлю уругъа ит чабмаз.
- Къарт бла баш аша, джаш бла аякъ аша.
- Эм уллу байлыкъ – джан саулукъ.
- Кеси юйюмде мен да ханма.
- Джарлыны тону джаз битер.
- Ач бёрюге мекям джокъ.
- Аш хазыр болса, иш харам болур.
- Аджалсыз ёлюм болмаз.
- Бал чибинни ургъаны – ачы, балы – татлы.
- Къызын тута билмеген, тул этер, джашын тута билмеген, къул этер.
- Тойгъа барсанг, тоюб бар, эски тонунгу къоюб бар.
- Телиге акъыл салгъандан эсе, ёлгеннге джан салырса.
- Ат да турмайды бир териде.
- Ауругъанны сау билмез, ач къарынны токъ билмез.
- Киштикге къанат битсе, чыпчыкъ къалмаз эди.
- Айтхан – тынч, этген – къыйын.
- Кийимни бир кюнню аясанг, минг кюннге джарар.
- Ишге юренсин къоллары, халкъ бла болсун джоллары.
- Джигер – джаннга къыйынлыкъ.
- Ашыкъгъан cуу, тенгизге джетмез.
- Кюн – узун, ёмюр – къысха.
- Огъурлуну сёзю – суу, огъурсузну сёзю – уу.
- Игилик игилик бла сингдирилиучю затды.
- Зар адам ашынгы ашар, кесинги сатар.
- Аджашхан тёгерек айланыр.
- Ашына кёре табагъы, балына кёре къалагъы.
- Ата джурт – алтын бешик.
- Эр абынмай, эл танымаз.
- Ауругъан – джашаудан умутчу.
- Тёзген – тёш ашар!
- Айранны сюйген, ийнек тутар.
- Урунуу – насыбны анасы.
- Адеб этмеген, адеб кёрмез.
- Харам къарнашдан, халал тенг ашхы.
- Aдам боллукъ, сыфатындан белгили.
- Хантына кёре тузу, юйюне кёре къызы.
- Суу кетер, таш къалыр.
- От кюйдюрген, сау болса да, тот кюйдюрген, сау болмаз.
- Ёксюзню къалачы уллу кёрюнюр.
- «Ёгюз, джаргъа джууукъ барма, меннге джюк боллукъса», - дегенди эшек.
- Ачылгъан эт джабылыр, кёрген кёз унутмаз.
- Кёб джат да, бек чаб.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)