- Аллахдан тилесенг, кёб тиле.
- Тёзген – тёш ашар!
- Ашатыргъа иш – ашхы, ишлетирге аш – ашхы.
- Тыш элде солтан болгъандан эсе, кесинги элде олтан болгъан игиди!
- Тойгъан джерге джети къайт.
- Уллу суу бла уллу ауруудан башынгы сакъла.
- Чомартны къолу берекет.
- Ат басханны джер билед.
- Тай асырагъан, атха минер.
- Ишге юренсин къоллары, халкъ бла болсун джоллары.
- Адамны аманы адамны бети бла ойнар.
- Малны кют, джерни тюрт.
- Аман къатын алгъан, арыр, иги къатын алгъан джарыр.
- Ишлегенден, къарагъан уста.
- Ашхы атаны – джашы ашхы, ашхы ананы – къызы ашхы.
- Чакъырылмай келген къонакъ сыйланмай кетер.
- Билимли ёлмез, билимсиз кёрмез.
- Бир онгсуз адам адет чыгъарды, деб эштирик тюлсе.
- Бюгюн дуния кибик, тамбла ахыратды.
- Билим – акъылны чырагъы.
- Кёрмегеннге кебек – танг, битмегеннге сакъал – танг.
- Ачлыкъ отха секиртир.
- Уллу айтханны этмеген – уллаймаз.
- Кёпюр салгъан кеси ётер, уру къазгъан кеси кетер.
- Сакъалы текени да бар, мыйыгъы киштикни да бар.
- Адеби болмагъан къыз – тузсуз хант.
- Арыгъан къош чамчы болур.
- Джашда акъыл джокъ, къартда къарыу джокъ.
- Атлыны ашхысы, ат тизгининден билинир
- Сакъламагъан затынга джолукъсанг, не бек къууанаса, не бек ачыйса.
- Айтхан сёзюне табылгъан.
- Сакъ юйюне сау барыр.
- Акъдан къара болмаз.
- Ач да бол, токъ да бол – намысынга бек бол.
- Ана кёлю – балада, бала кёлю – талада.
- Насыблы элин сюер, насыбсыз кесин сюер.
- Тойгъанлыкъ къойгъа джарашады.
- Къулакъдан эсе, кёзге ышан.
- Къарын къуру болса, джюрек уру болур.
- Окъдан джара эртде-кеч болса да бителир, сёз джара, ёмюрге къалыр.
- Кёзю сокъурдан – къоркъма, кёлю сокъурдан – къоркъ.
- Тюзню ётмеги тюзде къалса да, тас болмаз.
- Келинни – келгинчи, бёркню кийгинчи кёр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишин билген, аны сыйын чыгъарады.
- Тилсиз миллет джокъ болур.
- Ёзденликни кёбю ётюрюк.
- Айтылгъан сёз ызына къайтмаз.
- Элге къуллукъ этмеген, элге ие болмаз.
- Ачылгъан эт джабылыр, кёрген кёз унутмаз.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)