- Чабакъгъа акъыл, табагъа тюшсе келеди.
- Атынг аманнга чыкъгъандан эсе, джанынг тамагъынгдан чыкъсын.
- Сёлеш деб шай берген, тохта деб, сом берген.
- Кёб джашагъан – кёб билир.
- Байдан умут эте, джарлыдан ёгюз багъасы къорады.
- Нёгерсизни джолу узун.
- Гугурук къычырмаса да, тангны атары къалмаз.
- Тилде сюек болмаса да, сюек сындырыр.
- Чабакъсыз кёлге къармакъ салгъанлыкъгъа, чабакъ тутмазса.
- Аманнга алтын чыдамаз.
- Халкъны юйю – туугъан джери.
- Терслик кетер, тюзлюк джетер.
- Айтхан – тынч, этген – къыйын.
- Ашхы адам – халкъ байлыгъы, ашхы джер – джашау байлыгъы.
- Къыз тиширыу кеси юйюнде да къонакъды.
- Юйюнгден чыкъдынг – кюнюнгден чыкъдынг.
- Уллу атлама – абынырса, уллу къабма – къарылырса.
- Къарт болгъан джерде, берекет болур, сабий болгъан джерде, оюн болур.
- Тай асырагъан, атха минер.
- Арпа, будай – ащды, алтын, кюмюш а – ташды.
- Къайгъыны сюйген, къайгъы табар.
- Къатын байлыкъны сюер, эр саулукъну сюер.
- Ойнай-ойнай кёз чыгъар.
- Татлы сёз – балдан татлы.
- Адамны артындан къара сабан сюрме.
- Ана кёлю – балада, бала кёлю – талада.
- Джангыз торгъай джырламаз.
- Насыб бютеу халкъны юлюшюдю.
- Сабийни джумушха джибер да, ызындан бар.
- Къарт айтханны этмеген, къартаймаз.
- Чабар ат – джетген къыз.
- Магъанасыз сёз – тауушсуз сыбызгъы.
- Къартны сыйын кёрмеген, къартлыгъында сыйлы болмаз.
- Оюмсуз атлагъан, аджалсыз ёлюр.
- Тёзген – тёш ашар!
- Ишни аллы бла къууанма да, арты бла къууан.
- Сескекли кесин билдирир.
- Зар адамны насыбы болмаз.
- Бозаны арты дауур болур.
- Махтаннган къыз, тойда джукълар.
- Эки итни арасына сюек атма, эки адамны арасында сёз чыгъарма.
- Тюзлюк тас болмайды.
- Мени джылытмагъан кюн, меннге тиймесин!
- Эл элде бирер малынг болгъандан эсе, бирер тенгинг болсун.
- Джумушакъ сёз къаты таякъны сындырыр.
- Дуния мал дунияда къалады.
- Кёб джат да, бек чаб.
- Юйлю уругъа ит чабмаз.
- Окъуусуз билим – джокъ, билимсиз кюнюнг – джокъ.
- Айныгъанлы алты кюн, тогъайгъанлы тогъуз кюн.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)