- Кесине оноу эте билмеген, халкъына да эте билмез.
- Иги сеники эсе да, сюйген кесимикин этеме.
- Эркишиге тары кебек танг кёрюнюр.
- Иесиз малны бёрю ашар.
- Таугъа чыгъаллыкъ эсенг, тюзде къалма.
- Окъуусуз билим – джокъ, билимсиз кюнюнг – джокъ.
- Терслик кетер, тюзлюк джетер.
- Байны оноуу, джарлыгъа джарамаз.
- Сакъламагъан затынга джолукъсанг, не бек къууанаса, не бек ачыйса.
- Мал ёлсе, сюек къалыр, адам ёлсе, иши къалыр.
- Айырылмаз джууугъунга, унутмаз сёзню айтма.
- Тас болгъан бычакъны сабы – алтын.
- Нёгерсизни джолу узун.
- Ишни аллы бла къууанма да, арты бла къууан.
- Аууздан келген, къолдан келсе, ким да патчах болур эди.
- Къыйынлы джети элни къайгъысын этер.
- Ишни ахырын ойламай, аллын башлама.
- Бойнуму джети джерден кессенг да, мен ол ишни этеллик тюлме.
- Ишлерге уял да, ашаргъа табма.
- Адеби болмагъан къыз – тузсуз хант.
- Тойгъан антын унутур.
- Рысхы – насыбха къор.
- Ач келгенни – тойдур, кеч келгенни – къондур.
- Туз, гырджын аша, тюзлюк бла джаша.
- Акъыл сабырлыкъ берир.
- Ишленмеклик адамлыкъды.
- Эли джокъну – кёлю джокъ.
- Биреуге аманлыкъ этиб, кесинге игилик табмазса.
- Башда акъыл болмаса, эки аякъгъа кюч джетер.
- Чакъырылмагъан къонакъ къачан кетерин сормаз.
- Кийимни бичсенг, кенг бич, тар этген къыйын тюлдю.
- Ишге юренсин къоллары, халкъ бла болсун джоллары.
- Къонагъынгы артмагъын алма да, алгъышын ал.
- Ётюрюкню къуйругъу – бир тутум.
- Билмегенинги, билгеннге сор.
- Билим ат болуб да чабар, къуш болуб да учар.
- Этим кетсе да, сюегим къалыр.
- Биреуню тёрюнден, кесинги эшик артынг игиди.
- Ётген ёмюр – акъгъан суу.
- Джырына кёре эжиую.
- Иги сёз – джаннга азыкъ, аман сёз башха – къазыкъ.
- Кийимни бир кюнню аясанг, минг кюннге джарар.
- Къызгъанчдан ычхыныр, мухардан ычхынмаз.
- Ким бла джюрюсенг, аны кёзю бла кёрюнюрсе.
- Ишленмеген джаш – джюгенсиз ат, ишленмеген къыз – тузсуз хант.
- Кёб ант этген, кёб ётюрюк айтыр.
- Адам къыйынлыгъын кёлтюрюр, зауукълугъун кёлтюрмез.
- Мухар, кеси тойса да, кёзю тоймаз.
- Арпа, будай – ащды, алтын, кюмюш а – ташды.
- Адам боллукъ, атламындан белгили болур.
Сабийлеге къонакъгъа, келгендиле джомакъла!!!
12.12.2008 23:36:02
Девушка Гор
ай-хай эсибизде турсала уа дейд, ол джомакъла |
|
|
|
13.12.2008 01:01:36
Рамла
ай-хай эсибизде турсала уа дейд, ол джомакъла Бирге тюшюреик эсибизге унутханыбызны |
|
|
|
14.12.2008 02:11:28
Девушка Гор
МашаАллах, керти аламат, керек назмучукъ!!! |
|
|
|
14.12.2008 04:32:27
Девушка Гор
незнакомое окончание может кто ещё вариант подкинет или я после НГ с аула привезу))))) |
|
|
|
14.12.2008 22:24:01
Рамла
Сау болугъуз, ансын, кертида терсми джаздым деб сагъыш эте турама. |
|
|
|
14.12.2008 22:37:10
Девушка Гор
терс-тюз эсе да билмейме, алай а джаратдым, ма блайында уа кюлюб, джыгъылыб кете эдим аздан къалса : - Улакъчыкъ а къайдады? Къазанчыкъда къайнайды, |
|
|
|
16.12.2008 00:35:07
Рамла
"Кече джарыкъды, тёгерек шошду..." Тюзюн айтсам, эшитмегенме быллай джыр Аннядан сорургъа керекди |
|
|
|
16.12.2008 00:40:40
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! ... |
|
|
|
|
|
|
|
|
||||
|
|
|||
Читают тему (гостей: 1)