- Сагъышы джокъ – джукъучу, акъылы джокъ – къаугъачы.
- Къалгъан ишге къар джауар.
- Джарлы эскисин джамаса, къууаныр.
- Уллу къашыкъ эрин джыртар.
- Джумушакъ сёз къаты таякъны сындырыр.
- Эл бла кёргенинг эрелей.
- Аууздан келген, къолдан келсе, ким да патчах болур эди.
- Кирсизни – саны таза, халалны – къаны таза.
- Башланнган иш битер, къымылдагъан тиш тюшер.
- Бозаны арты дауур болур.
- Ач отунчуну ачыуу – бурнунда.
- Орну джокъну – сыйы джокъ.
- Адам боллукъ, атламындан белгили болур.
- Джашны джигитлиги сорулур, къызны джигерлиги сорулур.
- Джырына кёре эжиую.
- Ашхы сёз таш тешер.
- Уллу суу бла уллу ауруудан башынгы сакъла.
- Къонакъ болсанг, ийнакъ бол.
- Джыланны къуйругъундан басарынг келсе, аны башы болгъанын унутма.
- Сютден ауузу кюйген, суугъа юфгюре эди.
- Тынгылагъан тынгы бузар.
- Абынмазлыкъ аякъ джокъ, джангылмазлыкъ джаякъ джокъ.
- Этни бети бла шорпасы.
- Къарт бла баш аша, джаш бла аякъ аша.
- Ата Джуртун танымагъан, атасын да танымаз.
- Адам туугъан джеринде, ит тойгъан джеринде.
- Эшекни не къадар тюйсенг да, ат болмаз.
- Эм ашхы къайын ана мамукъ бла башынгы тешер.
- Къазанны башы ачыкъ болса, итге уят керекди.
- Намыс сатылыб алынмайды.
- Сакъ юйюне сау барыр.
- Сабий болмагъан джерде, мёлек болмаз.
- Татлы тилде – сёз ариу, чемер къолда – иш ариу.
- Босагъа таш юйге кирмей эди, тыбыр таш эшикге чыкъмай эди.
- Ёлген эшек бёрюден къоркъмайды.
- Тойгъанлыкъ къойгъа джарашады.
- Баргъанынга кёре болур келгенинг.
- Тойчу джашха къарама, къойчу джашха къара.
- Гугурук къычырмаса да, тангны атары къалмаз.
- Кёкдеги болмаса, джердегин кёрмейди.
- Айыбны суу бла джууалмазса.
- Гыдай эчки суугъа къараб, мюйюзле кёрмесе, джашма алкъын, дегенди.
- Къонакъ хазыр болгъанлыкъгъа, къонакъбай хазыр тюлдю.
- Ишленмеклик адамлыкъды.
- Биреуге аманлыкъ этиб, кесинге игилик табмазса.
- Джюрекден джюрекге джол барды.
- Экеу тутушса, биреу джыгъылыр.
- Эр сокъур болсун, къатын тилсиз болсун.
- Сагъыш – къартлыкъгъа сюйюмчю.
- Окъугъан – асыу, окъумагъан – джарсыу.
Сабийлеге къонакъгъа, келгендиле джомакъла!!!
12.12.2008 23:36:02
Девушка Гор
ай-хай эсибизде турсала уа дейд, ол джомакъла |
|
|
|
13.12.2008 01:01:36
Рамла
ай-хай эсибизде турсала уа дейд, ол джомакъла Бирге тюшюреик эсибизге унутханыбызны |
|
|
|
14.12.2008 02:11:28
Девушка Гор
МашаАллах, керти аламат, керек назмучукъ!!! |
|
|
|
14.12.2008 04:32:27
Девушка Гор
незнакомое окончание может кто ещё вариант подкинет или я после НГ с аула привезу))))) |
|
|
|
14.12.2008 22:24:01
Рамла
Сау болугъуз, ансын, кертида терсми джаздым деб сагъыш эте турама. |
|
|
|
14.12.2008 22:37:10
Девушка Гор
терс-тюз эсе да билмейме, алай а джаратдым, ма блайында уа кюлюб, джыгъылыб кете эдим аздан къалса : - Улакъчыкъ а къайдады? Къазанчыкъда къайнайды, |
|
|
|
16.12.2008 00:35:07
Рамла
"Кече джарыкъды, тёгерек шошду..." Тюзюн айтсам, эшитмегенме быллай джыр Аннядан сорургъа керекди |
|
|
|
16.12.2008 00:40:40
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! ... |
|
|
|
|
|
|
|
|
||||
|
|
|||
Читают тему (гостей: 1)