- Билимли ёлмез, билимсиз кёрмез.
- Байлыкъ келсе, акъыл кетер.
- Билимден уллу байлыкъ джокъду.
- Ач уят къоймаз.
- Тау башында, тау болмаз, джангыз терек, бау болмаз.
- Гитче джилтин уллу элни джандырыр.
- Ётген ёмюр – акъгъан суу.
- Онгсузну – джакъла, тенгликни – сакъла.
- Аш берме да, къаш бер.
- Адеб джокъда, намыс джокъ.
- Тюзлюк тас болмайды.
- Таякъ этден ётер, тил сюекден ётер.
- Чакъырылмагъан джерге барма, чакъырылгъан джерден къалма.
- Чалманны аллы къалай башланса, арты да алай барады.
- Ёксюзню тилеги къабыл болур.
- Джашны джигитлиги сорулур, къызны джигерлиги сорулур.
- Эки элинги тыйсанг, джети элде махталырса.
- Аманнга да, игиге да оноусуз къатышма.
- Итли къонакъ джарашмаз.
- Тилчи тилден къаныкъмаз.
- Асхат ашлыкъ сата, юйдегиси ачдан къата.
- Азыгъы аз, алгъа къабар, аты аман, алгъа чабар.
- Адам сёзюнден белгили.
- Аман адам этегингден тутса, кес да къач.
- Кимни – тили, тиши онглу, кимни – къолу, иши онглу.
- Хар адамгъа кеси миннген тау кибик.
- Къулакъдан эсе, кёзге ышан.
- Ойнай-ойнай кёз чыгъар.
- Арба аугъандан сора, джол кёргюзтюучю кёб болур.
- Джукъу тёшек сайламайды.
- Чыбыкълыкъда бюгюлмеген, къазыкълыкъда бюгюлмей эди.
- Хазыр ашха – терен къашыкъ.
- Эринчекге кюн узун.
- Ата джурт – алтын бешик.
- Таукел адам тау тешер.
- Тил бла келеди джыр да.
- «Ёгюз, джаргъа джууукъ барма, меннге джюк боллукъса», - дегенди эшек.
- Кесине оноу эте билмеген, халкъына да эте билмез.
- Бир абыннган – минг сюрюнюр.
- Джылар джаш, атасыны сакъалы бла ойнар.
- Адеби болмагъан къыз – тузсуз хант.
- Адамны сабийин сюйген джюреги, бычакъча, джитиди.
- Тойгъан джерге джети къайт.
- Садакъачыны джаны – къапчыгъында.
- Биреуге аманлыкъны тилеме да, кесинге ашхылыкъны тиле.
- Огъурлуну сёзю – суу, огъурсузну сёзю – уу.
- Этни бети бла шорпасы.
- Бек ашыкъгъан меннге джетсин, дегенди аракъы.
- Кёлю джокъну – джолу джокъ.
- Ишлегенде эринме, ишде чолакъ кёрюнме.
Сабийлеге къонакъгъа, келгендиле джомакъла!!!
12.12.2008 23:36:02
Девушка Гор
ай-хай эсибизде турсала уа дейд, ол джомакъла |
|
|
|
13.12.2008 01:01:36
Рамла
ай-хай эсибизде турсала уа дейд, ол джомакъла Бирге тюшюреик эсибизге унутханыбызны |
|
|
|
14.12.2008 02:11:28
Девушка Гор
МашаАллах, керти аламат, керек назмучукъ!!! |
|
|
|
14.12.2008 04:32:27
Девушка Гор
незнакомое окончание может кто ещё вариант подкинет или я после НГ с аула привезу))))) |
|
|
|
14.12.2008 22:24:01
Рамла
Сау болугъуз, ансын, кертида терсми джаздым деб сагъыш эте турама. |
|
|
|
14.12.2008 22:37:10
Девушка Гор
терс-тюз эсе да билмейме, алай а джаратдым, ма блайында уа кюлюб, джыгъылыб кете эдим аздан къалса : - Улакъчыкъ а къайдады? Къазанчыкъда къайнайды, |
|
|
|
16.12.2008 00:35:07
Рамла
"Кече джарыкъды, тёгерек шошду..." Тюзюн айтсам, эшитмегенме быллай джыр Аннядан сорургъа керекди |
|
|
|
16.12.2008 00:40:40
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! ... |
|
|
|
|
|
|
|
|
||||
|
|
|||
Читают тему (гостей: 1)