- Телиге от эт десенг, юйюнге от салыр.
- Кёзюнде тереги болгъан, чёбю болгъаннга кюле эди.
- Ашхы сёз таш тешер.
- Уруну арты – къуру.
- Айырылмаз джууугъунга, унутмаз сёзню айтма.
- Аз сёлеш, кёб ишле.
- Къанны къан бла джуума, аманны аман бла къуума.
- Бек анасы джыламаз.
- Абынмазлыкъ аякъ джокъ, джангылмазлыкъ джаякъ джокъ.
- Кесинге джетмегенни, кёб сёлешме.
- Ариу – кёзге, акъыл – джюрекге.
- Эм уллу байлыкъ – джан саулукъ.
- Кёл ашады да, кеси ашады.
- Къызгъанчдан ычхыныр, мухардан ычхынмаз.
- Чакъырылмай келген къонакъ сыйланмай кетер.
- Къонагъы джокъну – шоху джокъ.
- Къозулугъунда тоймагъан, къойлугъунда тоймаз.
- Чомартны къолун джокълукъ байлар.
- Ёлюр джаннга, ёкюл джокъ.
- Ауурну тюбю бла, дженгилни башы бла джюрюген.
- Джарлы тюеге минсе да, ит къабар.
- Иги – алгъыш этер, аман – къаргъыш этер.
- Къарнынг къанлынга кийирир.
- Этни бети бла шорпасы.
- Эки къатын алгъан – эки ташны ортасына башын салгъан.
- Ата – баланы уясы.
- Аман киши кеси юйюнде – къонакъ.
- Акъыл бла адеб эгизледиле.
- Бал – татлы, балдан да бала – татлы.
- Насыблы элин сюер, насыбсыз кесин сюер.
- Гитче джилтин уллу элни джандырыр.
- Тин – байлыгъынг, терен саулугъунг.
- Экеу тутушса, биреу джыгъылыр.
- От кюйдюрген, сау болса да, тот кюйдюрген, сау болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Айран ичген – къутулду, джугъусун джалагъан – тутулду.
- Чакъырылмагъан къонакъ къачан кетерин сормаз.
- Ишин билген, аны сыйын чыгъарады.
- Кирсизни – саны таза, халалны – къаны таза.
- Билгенни къолу къарны джандырыр.
- Баш болса, бёрк табылыр.
- Акъыллы башны – тили къысха.
- Ашлыкъ – бюртюкден, джюн – тюкден.
- Къан бла кирген, джан бла чыгъар.
- Ач къарным, тынч къулагъым.
- Малны кют, джерни тюрт.
- Окъуу – билимни ачхычы, окъуу – дунияны бачхычы.
- Эринчекни аурууу – кёб.
- Ишге юренсин къоллары, халкъ бла болсун джоллары.
- Уллу сёзде уят джокъ.
Сабийлеге къонакъгъа, келгендиле джомакъла!!!
12.12.2008 23:36:02
Девушка Гор
ай-хай эсибизде турсала уа дейд, ол джомакъла |
|
|
|
13.12.2008 01:01:36
Рамла
ай-хай эсибизде турсала уа дейд, ол джомакъла Бирге тюшюреик эсибизге унутханыбызны |
|
|
|
14.12.2008 02:11:28
Девушка Гор
МашаАллах, керти аламат, керек назмучукъ!!! |
|
|
|
14.12.2008 04:32:27
Девушка Гор
незнакомое окончание может кто ещё вариант подкинет или я после НГ с аула привезу))))) |
|
|
|
14.12.2008 22:24:01
Рамла
Сау болугъуз, ансын, кертида терсми джаздым деб сагъыш эте турама. |
|
|
|
14.12.2008 22:37:10
Девушка Гор
терс-тюз эсе да билмейме, алай а джаратдым, ма блайында уа кюлюб, джыгъылыб кете эдим аздан къалса : - Улакъчыкъ а къайдады? Къазанчыкъда къайнайды, |
|
|
|
16.12.2008 00:35:07
Рамла
"Кече джарыкъды, тёгерек шошду..." Тюзюн айтсам, эшитмегенме быллай джыр Аннядан сорургъа керекди |
|
|
|
16.12.2008 00:40:40
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! ... |
|
|
|
|
|
|
|
|
||||
|
|
|||
Читают тему (гостей: 1)