- Аш иеси бла татлыды.
- Джогъун бар этген, барын бал этген.
- Эшекге миннген – биринчи айыб, андан джыгъылгъан – экинчи айыб.
- Хазыр ашха – терен къашыкъ.
- Хатерли къул болур.
- Танг атмайма десе да, кюн къоярыкъ тюйюлдю.
- Адамгъа аман кюн соруб келмейди.
- Джеринден айырылгъан – джети джылар, джуртундан айырылгъан – ёлгюнчю джылар.
- Арбаз сайлама да, хоншу сайла.
- Оюмсуз атлагъан, аджалсыз ёлюр.
- Тенгинг джокъ эсе – изле, бар эсе – сакъла!
- Ётюрюкню башын керти кесер.
- Джарлыны тону джаз битер.
- Бюгюн дуния кибик, тамбла ахыратды.
- Тёрдеги кюлсе, эшикдеги ышарыр.
- Джарлы эскисин джамаса, къууаныр.
- Джарлыны эшигин махтагъан джабар.
- Кёбден умут этиб, аздан къуру къалма.
- Ачлыкъ отха секиртир.
- Экиндини кеч къылсанг, чабыб джетер ашхам.
- Тойчу джашха къарама, къойчу джашха къара.
- Къарны аманнга къазан такъдырма, къолу аманнга от джакъдырма.
- Таш ата билмеген, башына урур.
- Ишге юренсин къоллары, халкъ бла болсун джоллары.
- Ким бла джюрюсенг, аны кёзю бла кёрюнюрсе.
- Уясында не кёрсе, учханында аны этер.
- Къозулугъунда тоймагъан, къойлугъунда тоймаз.
- Ана къойну – балагъа джандет.
- Сёз – кюмюш, джыр – алтын.
- Элни кючю – эмеген.
- Сабий кёргенин унутмаз.
- Кёзю сокъурдан – къоркъма, кёлю сокъурдан – къоркъ.
- Ётюрюкчюню шагъаты – къатында.
- Адамны сабийин сюйген джюреги, бычакъча, джитиди.
- Айтхан сёзюне табылгъан.
- Гитче джилтин уллу элни джандырыр.
- Джахил болса анасы, не билликди баласы?
- Суу кетер, таш къалыр.
- Кечеси – аяз, кюню – къыш, джарлы къаргъагъа бир аш тюш!
- Ашатыргъа иш – ашхы, ишлетирге аш – ашхы.
- Байны оноуу, джарлыгъа джарамаз.
- Кюн – узун, ёмюр – къысха.
- Ауругъаннга – кийик саулукъ, джетген къызгъа – чилле джаулукъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тау башында, тау болмаз, джангыз терек, бау болмаз.
- Чабакъгъа акъыл, табагъа тюшсе келеди.
- Аманны къуугъан, аманлыкъ табар.
- Къартха ушагъан джаш – акъыллы, джашха ушагъан къарт – тели.
- Аман эсирсе, юйюн ояр.
- Уллу айтханны этмеген – уллаймаз.
Сабийлеге къонакъгъа, келгендиле джомакъла!!!
12.12.2008 23:36:02
Девушка Гор
ай-хай эсибизде турсала уа дейд, ол джомакъла |
|
|
|
13.12.2008 01:01:36
Рамла
ай-хай эсибизде турсала уа дейд, ол джомакъла Бирге тюшюреик эсибизге унутханыбызны |
|
|
|
14.12.2008 02:11:28
Девушка Гор
МашаАллах, керти аламат, керек назмучукъ!!! |
|
|
|
14.12.2008 04:32:27
Девушка Гор
незнакомое окончание может кто ещё вариант подкинет или я после НГ с аула привезу))))) |
|
|
|
14.12.2008 22:24:01
Рамла
Сау болугъуз, ансын, кертида терсми джаздым деб сагъыш эте турама. |
|
|
|
14.12.2008 22:37:10
Девушка Гор
терс-тюз эсе да билмейме, алай а джаратдым, ма блайында уа кюлюб, джыгъылыб кете эдим аздан къалса : - Улакъчыкъ а къайдады? Къазанчыкъда къайнайды, |
|
|
|
16.12.2008 00:35:07
Рамла
"Кече джарыкъды, тёгерек шошду..." Тюзюн айтсам, эшитмегенме быллай джыр Аннядан сорургъа керекди |
|
|
|
16.12.2008 00:40:40
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! ... |
|
|
|
|
|
|
|
|
||||
|
|
|||
Читают тему (гостей: 1)