Адеб базарда сатылмаз.
Иесиз малны бёрю ашар.
Этек чакъмакълары баш джаргъан, сёлешген сёзлери таш джаргъан.
Кёпюр салгъан кеси ётер, уру къазгъан кеси кетер.
Билеги кючлю, бирни джыгъар, билими кючлю, мингни джыгъар.
Окъуусуз билим – джокъ, билимсиз кюнюнг – джокъ.
Адамны аты башхача, акъылы да башхады.
Башда акъыл болмаса, эки аякъгъа кюч джетер.
Таула не мийик болсала да, аууш табылыр.
Къартха ушагъан джаш – акъыллы, джашха ушагъан къарт – тели.
Башсыз урчукъ тюзюне айланмаз.
Терек ауса, отунчу – кёб.
Урунуу – насыбны анасы.
Ата – баланы уясы.
Кеси юйюмде мен да ханма.
Эм уллу байлыкъ – джан саулукъ.
Этни бети бла шорпасы.
Бал – татлы, балдан да бала – татлы.
Иги бла джюрюсенг, джетерсе муратынга, аман бла джюрюсенг, къалырса уятха.
Тил джюрекге джол ишлейди.
Халкъны юйю – туугъан джери.
Тыш элде солтан болгъандан эсе, кесинги элде олтан болгъан игиди!
Татлы тилде – сёз ариу, чемер къолда – иш ариу.
Ёлген эшек бёрюден къоркъмайды.
Бет бетге къараса, бет да джерге къарар.
Тешигини къатында, чычхан да батыр болур.
Келинни – келгинчи, бёркню кийгинчи кёр.
Окъумагъан сокъурду, сокъур ташха абыныр!
Къобан да къуру да къобханлай турмайды, адам да къуру да патчахлай турмайды.
Хантына кёре тузу, юйюне кёре къызы.
Тойгъа алгъа да барма, тойда артха да къалма.
Иги сёз – джаннга азыкъ, аман сёз башха – къазыкъ.
Дуния малгъа сатылма, кесингден телиге къатылма.
Эллинг бла джау болсанг да, юйюнг бла джау болма.
Кенгеш болса, уруш болмаз.
Хар ишни да аллы къыйынды.
Джыланны къуйругъундан басарынг келсе, аны башы болгъанын унутма.
Джаханимни кёрмей, джандетге кёл салмазса.
Эл тойса, тоймагъан, эл къойса, къоймагъан.
Къартны бурнун сюрт да, оноугъа тут.
Ишленмеген джаш – джюгенсиз ат, ишленмеген къыз – тузсуз хант.
Ёксюзню тилеги къабыл болур.
Асхат ашлыкъ сата, юйдегиси ачдан къата.
Ашлыкъны арба юйге келтирир, чана базаргъа элтир.
Джиби бир къат джетмей эди да, эки къат тарта эди.
Келинин тута билмеген, къул этер, къызын тута билмеген, тул этер.
Тил – кесген бычакъ, сёз – атылгъан окъ.
Тынгылагъан тынгы бузар.
Ётген ёмюр – акъгъан суу.
Къыйынлы джети элни къайгъысын этер.
