- Тиширыусуз юй – отсуз от джагъа.
- Итли къонакъ джарашмаз.
- Эм уллу байлыкъ – джан саулукъ.
- Эркишини аманы тиширыуну джылатыр.
- Къайгъы тюбю – тенгиз.
- Ёлмесенг да, къарт дамы болмазса?
- Аджашхан тёгерек айланыр.
- Чакъырылгъанны аты, чакъырылмагъанны багъасы болур.
- Къазанны башы ачыкъ болса, итге уят керекди.
- Къонагъы джокъну – шоху джокъ.
- Нёгерсизни джолу узун.
- Кёлсюзден сёзсюз тууар.
- Кёл ашады да, кеси ашады.
- Къыйынлы джети элге оноу этер.
- Къызгъанчдан ычхыныр, мухардан ычхынмаз.
- Ышармагъан – кюлмез, кюлмеген – къууанчны билмез.
- Тешик этген тынчды, аны джамагъан къыйынды.
- Адеби болмагъан къыз – тузсуз хант.
- Атлыны ашхысы, ат тизгининден билинир
- Билмегенинги, билгеннге сор.
- Тенги кёбню джау алмаз, акъылы кёбню дау алмаз.
- Халкъны джырын джырласанг, халкъ санга эжиу этер.
- Хар сёзню орну барды.
- Къарын къуру болса, джюрек уру болур.
- Намыс болмагъан джерде, насыб болмаз.
- Танг атмайма десе да, кюн къоярыкъ тюйюлдю.
- Онгсузну – джакъла, тенгликни – сакъла.
- Акъыллы – эл иеси, тели – эл баласы.
- Къар – келтирди, суу – элтди.
- Биреуге аманлыкъ этиб, кесинге игилик табмазса.
- Ичимден чыкъды хата, къайры барайым сата?
- Окъумагъан сокъурду, сокъур ташха абыныр!
- Ач уят къоймаз.
- Ашда уялгъан – мухар, ишде уялгъан – хомух.
- Айыбны суу бла джууалмазса.
- Мухар, кеси тойса да, кёзю тоймаз.
- Къатыны харакетли болса, эри къымсыз болур.
- Иши джокъну, сыйы джокъ.
- Ойнай билмеген, уруб къачар.
- Арбаз сайлама да, хоншу сайла.
- Тин – байлыгъынг, терен саулугъунг.
- Башсыз урчукъ тюзюне айланмаз.
- Ким бла джюрюсенг, аны кёзю бла кёрюнюрсе.
- Адамгъа аман кюн соруб келмейди.
- Нафысынгы айтханын этме, намысынгы айтханын эт.
- Къонакъны къачан кетерин сорма, къачан келлигин сор.
- Джолунга кёре – джюрюшюнг, джагъанга кёре – юлюшюнг.
- Ата – билек, ана – джюрек!
- Ач келгенни – тойдур, кеч келгенни – къондур.
- Ач къарынны, токъ билмез
Сабийлеге къонакъгъа, келгендиле джомакъла!!!
12.12.2008 23:36:02
Девушка Гор
ай-хай эсибизде турсала уа дейд, ол джомакъла ![]() |
|
|
|
13.12.2008 01:01:36
Рамла
ай-хай эсибизде турсала уа дейд, ол джомакъла Бирге тюшюреик эсибизге унутханыбызны ![]() |
|
|
|
14.12.2008 02:11:28
Девушка Гор
МашаАллах, керти аламат, керек назмучукъ!!! |
|
|
|
14.12.2008 04:32:27
Девушка Гор
незнакомое окончание ![]() |
|
|
|
14.12.2008 22:24:01
Рамла
Сау болугъуз, ансын, кертида терсми джаздым деб сагъыш эте турама. ![]() ![]() |
|
|
|
14.12.2008 22:37:10
Девушка Гор
терс-тюз эсе да билмейме, алай а джаратдым, ма блайында уа кюлюб, джыгъылыб кете эдим аздан къалса : - Улакъчыкъ а къайдады? Къазанчыкъда къайнайды, ![]() |
|
|
|
16.12.2008 00:35:07
Рамла
"Кече джарыкъды, тёгерек шошду..." Тюзюн айтсам, эшитмегенме быллай джыр ![]() ![]() |
|
|
|
16.12.2008 00:40:40
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! ... |
|
|
|
|
|
|
|
|
||||
|
|
|||
Читают тему (гостей: 1)