Аудио :: Аудио:: Каракетов Махар

Аш берме да, къаш бер.
Иги сеники эсе да, сюйген кесимикин этеме.
Къартны бурнун сюрт да, оноугъа тут.
Акъылсызны джууукъгъа алма, акъыллыны кенгнге салма.
Зар адамны насыбы болмаз.
Чакъырылмагъан къонакъ тёрге атламаз.
Ач уят къоймаз.
Телиге акъыл салгъандан эсе, ёлгеннге джан салырса.
Чакъырылгъанны аты, чакъырылмагъанны багъасы болур.
Ашха уста, юйюнде болсун
Джарлыны тону джаз битер.
Аджал соруб келмез, келсе, къайтыб кетмез.
Къарт болгъан джерде, берекет болур, сабий болгъан джерде, оюн болур.
Юйюнг бла джау болгъандан эсе, элинг бла джау бол.
Чабакъ башындан чирийди.
Мен да «сен», дейме, сен да «кесим», дейсе.
Намыс болмагъан джерде, насыб болмаз.
Къайгъы тюбю – тенгиз.
Тулпарлыкъ, билекден тюл – джюрекден.
Элде адам къалмаса, ит тахтагъа минер.
Рысхысына кёре, джаш ёсер, къышлыгъына кёре, мал ёсер.
Нёгерсизни джолу узун.
Тенгни тенглиги джашай барсанг билинир.
Адам сёзге тынгыла, акъыл сёзню ангыла.
Ётюрюк хапар аякъ тюбю бла джюрюйдю.
Махтаннган къыз, тойда джукълар.
Окъугъан озар, окъумагъан тозар.
Шайтан алдады, тюзлюк къаргъады.
Татлы тилде – сёз ариу, чемер къолда – иш ариу.
Кийим тукъум сордурур.
Алтыда кюлмеген, алтмышда кюлмез.
Бёрю да ач къалмасын, эчки да ашалмасын.
Аман адам этегингден тутса, кес да къач.
Кёрмегеннге кебек – танг, битмегеннге сакъал – танг.
Сакъалы текени да бар, мыйыгъы киштикни да бар.
Этни да ашады, бетни да ашады.
Бир онгсуз адам адет чыгъарды, деб эштирик тюлсе.
Минг тенг да азды, бир джау да кёбдю.
Джарлыны эшигин махтагъан джабар.
Малны кют, джерни тюрт.
Аман киши кеси юйюнде – къонакъ.
От этилмеген джерден тютюн чыкъмайды.
Хар зат кесини орнуна иги.
Ариу сёз – джаннга азыкъ, аман сёз – башха къазыкъ.
Ачылгъан эт джабылыр, кёрген кёз унутмаз.
Ушамагъан – джукъмаз.
Арыгъан къош чамчы болур.
Хар сёзню орну барды.
Адамны сабийин сюйген джюреги, бычакъча, джитиди.
Элге къуллукъ этмеген, элге ие болмаз.

Логин:	Регистрация

Пароль:	Забыли пароль?

Запомнить меня

Аудио

Каракетов Махар

Скачать

Адрес