Расширенный поиск
27 Апреля 2024 года
Логин: Регистрация
Пароль: Забыли пароль?
Навигация
Словарь
  • Суу кетер, таш къалыр.
  • Ашхылыкъ джерде джатмайды, аманлыкъ суугъа батмайды.
  • Хазыр ашха – терен къашыкъ.
  • Ауругъанны сау билмез, ач къарынны токъ билмез.
  • Окъдан джара эртде-кеч болса да бителир, сёз джара, ёмюрге къалыр.
  • Джетген къыз джерли эшекни танымаз.
  • Агъач – джерни чырайы, кийим – эрни чырайы.
  • Ауурну тюбю бла, дженгилни башы бла джюрюген.
  • Билмегенинги, билгеннге сор.
  • Биреуге кёлтюрген таягъынг, кесинги башынга урур.
  • Ёлюк кебинсиз къалмаз.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Эшекге миннген – биринчи айыб, андан джыгъылгъан – экинчи айыб.
  • Чёбню кёлтюрсенг, тюбюнден сёз чыгъар.
  • Накъырданы арты керти болур.
  • Урама да – ёледи, сатама да – келеди.
  • Айран ичген – къутулду, джугъусун джалагъан – тутулду.
  • Кёлсюзден сёзсюз тууар.
  • Сабий кёргенин унутмаз.
  • Ишин билген, аны сыйын чыгъарады.
  • Тойгъан джерге джети къайт.
  • Къууут – джелге, берне – бошха.
  • Аз сёлеш, кёб ишле.
  • Джашда акъыл джокъ, къартда къарыу джокъ.
  • Ишлемеген – тишлемез.
  • Дууулдаса – бал чибин, къонса – къара чибин.
  • Мухарны эси – ашарыкъда.
  • Ёгюзню мюйюзлери ауурлукъ этмейдиле.
  • Къая джолда джортма, ачыкъ сёзден къоркъма.
  • Къалгъан ишге къар джауар.
  • Тюзлюк тас болмайды.
  • Суугъа – чабакъ, къаягъа – ыргъакъ.
  • Алтыннга тот къонмаз.
  • Кюн – узун, ёмюр – къысха.
  • Къумурсхала джыйылсала, пилни да джыгъадыла.
  • Юйюнг бла джау болгъандан эсе, элинг бла джау бол.
  • Айранын берсенг, челегин да къызгъанма.
  • Ач бёрюге мекям джокъ.
  • Бал – татлы, балдан да бала – татлы.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Къартны сыйын кёрмеген, къартлыгъында сыйлы болмаз.
  • Баш – акъыл ючюн, акъылман – халкъ ючюн.
  • Сагъыш – къартлыкъгъа сюйюмчю.
  • Чабакъгъа акъыл, табагъа тюшсе келеди.
  • Къызгъанчдан ычхыныр, мухардан ычхынмаз.
  • Адамны бетине къарама, адетине къара.
  • Къолу уллу – асыу, аягъы уллу – джарсыу.
  • Келгинчи, къонакъ уялыр, келгенден сора, къонакъбай уялыр.
  • Ишлегенден, къарагъан уста.

Аудио

Каракетов Махар

Файлов: 11

Обновлен: 06.07.2017

  • Каракетов Махар Таурухдача джашайды Къарачай
(Голосов: 2, Рейтинг: 5)

Описание

Дата: 14.05.2014
Прослушиваний: 2048
Скачиваний: 223
Размер: 10.22 МБ
Текст песни:
Муз. и сл. Махара Каракотова.

Къарлы тауладан, нарат чегетледен,
Минги Тауубуздан, Къобаныбыздан,
Къабарты-Малкъардан, Къарачай-Черкесден,
Мени багъалы сыйлы тенглеримден,

Къартдан, джашдан да эмда хар бир юйден
Саулай дуниягъа джылы салам бизден.

Припев:
Орайда, кёремисиз майна
Учадыла чуукъ кёкде къушла.
Ол сейир табигъатгъа ушай,
Таурухдача, джашайды Къарачай.

Бизни джерибизни бир келиб, кёргенле
Джерни джети этегинден келелле,
Хауа бла солуй, нарзан, айран иче,
Джюрек ауруулу болуб кетелле.

Таулагъа къараб, Аллахдан тилейле:
"Энтда келирча, Сен насыб бер бизге".

Припев.

Бир болайыкъ, акъыл, кюч джыйайыкъ,
Келген къонакъны бурунча, сыйлайыкъ.
Къыбылагъа айланыб, малланы сояйыкъ,
Ашайыкъ, ичейик, тебсейик, ойнайыкъ.

Бир бирибизни тансыкълай джашайыкъ,
Ата джуртубузну сыйын тутайыкъ.

Припев.

Заман джетиб, кетсек джарыкъ дуниядан,
Уялмазча къартладан, туудукъладан,
Сен джунчуб къалма, алан, дуния малдан,
Санга тылпыу, сан берген Уллу Аллахдан.

Джетген аман айтмазча хар инсан,
Миллетинг разылыкъ берсин ызынгдан.

Припев.

Комментарии (1)

    Джаратама0
    admin
    16.05.2014 17:07:08
    :)
    Ссылка
    • Зарегистрируйтесь чтобы пользоваться плейлистом.