Расширенный поиск
23 Марта 2025 года
Логин: Регистрация
Пароль: Забыли пароль?
Навигация
Словарь
  • Аман адам элни бир-бирине джау этер.
  • Тюзню ётмеги тюзде къалса да, тас болмаз.
  • Ата Джуртуму башы болмасам да, босагъасында ташы болайым.
  • Билимсиз иш бармаз.
  • Сабыр джетер муратха, сабырсыз къалыр уятха.
  • Биреуге кёлтюрген таягъынг, кесинги башынга урур.
  • Джолда аягъынга сакъ бол, ушакъда тилинге сакъ бол.
  • Акъыллы эркиши атын махтар, акъылсыз эркиши къатынын махтар.
  • Ханы къызы буюгъа-буюгъа киштик болду.
  • Джангыз торгъай джырламаз.
  • Уллу айтханны этмеген – уллаймаз.
  • Иги джашны ышаны – аз сёлешиб, кёб тынгылар.
  • Эшекни не къадар тюйсенг да, ат болмаз.
  • Мал ёлсе, сюек къалыр, адам ёлсе, иши къалыр.
  • Къонакъ хазыр болгъанлыкъгъа, къонакъбай хазыр тюлдю.
  • Атынг аманнга чыкъгъандан эсе, джанынг тамагъынгдан чыкъсын.
  • Тёрде – темир таякълы, къаяда – чыпчыкъ аякълы.
  • Тойну къарнашы – харс, джырны къарнашы – эжиу.
  • Ат басханны джер билед.
  • Джырына кёре эжиую.
  • «Ма», - дегенни билмесенг, «бер», - дегенни билмезсе.
  • Агъач – джерни чырайы, кийим – эрни чырайы.
  • Ашхы тенг джолгъа салыр, аман тенг джолдан тайдырыр.
  • Джюз элде джюз ёгюзюм болгъандан эсе, джюз джууугъум болсун.
  • Тешик этген тынчды, аны джамагъан къыйынды.
  • Джырчы ёлсе, джыры къалыр.
  • Къартны сыйын кёрмеген, къартлыгъында сыйлы болмаз.
  • Ата – билек, ана – джюрек!
  • Шекер бла туз – бир болмаз, ушамагъан – юй болмаз.
  • Ишлегенден, къарагъан уста.
  • Ишлемеген – тишлемез.
  • Ашыкъгъанны этеги бутуна чырмалыр.
  • Босагъагъа джууукъ орун болса, ашыгъыб тёрге озма.
  • Чакъырылмай келген къонакъ сыйланмай кетер.
  • Зар адамны насыбы болмаз.
  • Татлы тилде – сёз ариу, чемер къолда – иш ариу.
  • Кеси юйюмде мен да ханма.
  • Асхат ашлыкъ сата, юйдегиси ачдан къата.
  • Минг тенг да азды, бир джау да кёбдю.
  • Баш болса, бёрк табылыр.
  • Башы джабылгъан челекге, кир тюшмез.
  • Эрине къаргъыш этген къатын, эрнин къабар.
  • Ойнай-ойнай кёз чыгъар.
  • Къарны аманнга къазан такъдырма, къолу аманнга от джакъдырма.
  • Бюгюн дуния кибик, тамбла ахыратды.
  • Аурууну келиую тынч, кетиую – къыйын.
  • Тёзгеннге, джабылгъан эшик ачылыр.
  • Джумушакъ сёз къаты таякъны сындырыр.
  • Тёгюлген тюгел джыйылмайды.
  • Кёл – къызбай, къол – батыр.

Аудио

Каракетов Махар

Файлов: 11

Обновлен: 06.07.2017

  • Каракетов Махар Къобан джырлайды
(Голосов: 1, Рейтинг: 5)

Описание

Дата: 01.12.2012
Прослушиваний: 1586
Скачиваний: 206
Размер: 8.87 МБ
Текст песни:
музыка Маджита Ногайлиева
стихи Османа Хубиева

Тау дорданны тешиб чыгъама, ой-орайда,
Къысыр ташланы саркъыб джууама, ой-орайда,
Джол узакъны, мен ашыгъама, ой-орайда
Тау джелни да джетиб озама, ой-орайда.

Эй, терен ёзенле, чегетле,
Эй, къотур къаяла, кюн бетле,
Сизге джангур кесин кюсетсе,
Суу тамчыларым, суукъ аязым,
Сизни ийнакълай озама.

Сорушалла шоркъа сууларынг, ой-орайда,
Тар ёзенден кенге чыкъсала, ой-орайда,
Керек джерге бурулуб ала, ой-орайда
Этедиле къуллукъ адамгъа, ой-орайда.

Эй, терен ёзенле, чегетле,
Эй, къотур къаяла, кюн бетле,
Сизге джангур кесин кюсетсе,
Суу тамчыларым, суукъ аязым,
Сизни ийнакълай озама.

Тау дорданны тешиб чыгъама, ой-орайда,
Къысыр ташланы саркъыб джууама, ой-орайда,
Джол узакъны, мен ашырама, ой-орайда
Тау джелни да джетиб озама, ой-орайда.

Эй, терен ёзенле, чегетле,
Эй, къотур къаяла, кюн бетле,
Сизге джангур кесин кюсетсе,
Суу тамчыларым, суукъ аязым,
Сизни ийнакълай озама.

Комментариев нет

  • Зарегистрируйтесь чтобы пользоваться плейлистом.