Аудио :: Аудио:: Выпускник-2008

Иги адамны бир сёзю эки болмаз.
Сабыр джетер муратха, сабырсыз къалыр уятха.
Къая джолда джортма, ачыкъ сёзден къоркъма.
Иги адам абынса да, джангылмаз.
Джарашыу сюйген – джалынчакъ.
Аджашханны ызындагъы кёреди, джангылгъанны джанындагъы биледи.
Иги – алгъыш этер, аман – къаргъыш этер.
Къолунгдан къуймакъ ашатсанг да, атаны борчундан къутулмазса.
Ёзденликни джайгъан – джокълукъ.
Илму – джашауну джолу.
Чабакъ башындан чирийди.
Эшекге миннген – биринчи айыб, андан джыгъылгъан – экинчи айыб.
Бёрю да ач къалмасын, эчки да ашалмасын.
Кёз – сюйген джерде, къол – ауругъан джерде.
Къарнынг бла ёч алма.
Къралынгы – душмандан, башынгы от бла суудан сакъла.
Ачлыкъда тары гырджын халыуадан татлы.
Байны къызы баймакъ болса да, юйде къалмаз!
Ач къарным, тынч къулагъым.
Джарлыны тону джаз битер.
Керилген да, ургъан кибикди.
Джол бла сёзню къыйыры джокъ.
Игиге айтсанг – билир, аманнга айтсанг – кюлюр.
Къонакъ кёб келюучю юйню, къазаны отдан тюшмез.
Ач да бол, токъ да бол – намысынга бек бол.
Тынгылагъан тынгы бузар.
Аш берме да, къаш бер.
Ат да турмайды бир териде.
Эринчекни эр алмаз, эр алса да, кёл салмаз, кёл салса да, кёб бармаз!
Тёзген – тёш ашар!
Эртде тургъан джылкъычыны эркек аты тай табар.
Аш иеси бла татлыды.
Аман адам этегингден тутса, кес да къач.
Джангыз торгъай джырламаз.
Кийимни бичсенг, кенг бич, тар этген къыйын тюлдю.
Рысхы джалгъанды: келген да этер, кетген да этер.
Ишге юренсин къоллары, халкъ бла болсун джоллары.
Эртде тургъан бла эртде юйленнген сокъуранмаз.
Тёрени джагъы джокъ.
Бетинги сатма, малынгы сат.
Нёгерсизни джолу узун.
Ёлген ийнек сютлю болур.
Тил бла келеди джыр да.
Джерни букъусу кёкге къонмаз.
Зар адам ашынгы ашар, кесинги сатар.
Туз, гырджын аша, тюзлюк бла джаша.
Джарлы тюеге минсе да, ит къабар.
Эски джаугъа ышанма.
Ач къалгъандан, кеч къалгъан къолай.
Ойнай-ойнай кёз чыгъар.

Логин:	Регистрация

Пароль:	Забыли пароль?

Запомнить меня

Аудио

Выпускник-2008

Скачать

Адрес