Аудио :: Аудио:: Кузнецов Игорь

Кийиминг бла танылма, адамлыкъ бла таныл.
Тамбла алтындан бюгюн багъыр ашхы.
Илму – джашауну джолу.
Атынг аманнга чыкъгъандан эсе, джанынг тамагъынгдан чыкъсын.
Аз айтсам, кёб ангылагъыз.
Чакъырылмагъан къонакъ тёрге атламаз.
Акъылсызны джууукъгъа алма, акъыллыны кенгнге салма.
Ата – билек, ана – джюрек!
Джахил болса анасы, не билликди баласы?
Келинин тута билмеген, къул этер, къызын тута билмеген, тул этер.
Аууз сакълагъан – джан сакълар.
Накъырда – кертини келечиси.
Ач уят къоймаз.
Тенги кёбню джау алмаз, акъылы кёбню дау алмаз.
Тиширыусуз юй – отсуз от джагъа.
Къызбайны юйюне дери сюрсенг, батыр болур.
Окъугъан озар, окъумагъан тозар.
Кёзюнде тереги болгъан, чёбю болгъаннга кюле эди.
Садакъачыны джаны – къапчыгъында.
Бети бедерден, намыс сакълама.
Онгсузну – джакъла, тенгликни – сакъла.
Сёз къанатсыз учар.
Кёз – сюйген джерде, къол – ауругъан джерде.
Аман адам элни бир-бирине джау этер.
Эркиши – от, тиширыу – суу.
Айырылгъанланы айю ашар, бёлюннгенлени бёрю ашар.
Тулпарлыкъ, билекден тюл – джюрекден.
Ашыкъгъан cуу, тенгизге джетмез.
Ёмюрлюк шохлукъну джел элтмез.
Джаз бир кюнню джатсанг, къыш талай кюнню абынырса.
Иши джокъну, сыйы джокъ.
Намыс сатылыб алынмайды.
Байлыкъ адамны сокъур этер.
Сютню башын джалагъан къутулур, тюбюн ичген тутулур.
Ачны эсинде – аш.
Байлыкъ тауусулур, билим тауусулмаз.
От кюйдюрген, сау болса да, тот кюйдюрген, сау болмаз.
Айранын берсенг, челегин да къызгъанма.
«Ёгюз, джаргъа джууукъ барма, меннге джюк боллукъса», - дегенди эшек.
Къарнынг ауруса, ауузунгу тый
Тойгъан джерге джети къайт.
Этни да ашады, бетни да ашады.
От этилмеген джерден тютюн чыкъмайды.
Джангыз торгъай джырламаз.
Орундукъ тюбюнде атылсам да, орта джиликме, де да айлан.
Бет бетге къараса, бет да джерге къарар.
Аш хазыр болса, иш харам болур.
Сакъ юйюне сау барыр.
Ёлмесенг да, къарт дамы болмазса?
Ашына кёре табагъы, балына кёре къалагъы.

Логин:	Регистрация

Пароль:	Забыли пароль?

Запомнить меня

Аудио

Кузнецов Игорь

Скачать

Адрес