Аудио :: Аудио:: Боташева Зурият

Атлыны ашхысы, ат тизгининден билинир
Бичгенде ашыкъма, тикгенде ашыкъ.
Къалгъан ишге къар джауар.
Къарнынг ауруса, ауузунгу тый
Ариу сёзде ауруу джокъ.
Юй кюйдю да, кюйюз чыкъды, ортасындан тюйюш чыкъды.
Билген билмегенни юретген адетди.
Ким бла джюрюсенг, аны кёзю бла кёрюнюрсе.
Тели турса – той бузар.
Сагъышы джокъ – джукъучу, акъылы джокъ – къаугъачы.
Чакъырылмай келген къонакъ сыйланмай кетер.
Тамбла алтындан бюгюн багъыр ашхы.
Джырчы ёлсе, джыры къалыр.
Булут кёкге джарашыу, уят бетге джарашыу.
Ашхы сёз таш тешер.
Билим къая тешер.
Зар адам ашынгы ашар, кесинги сатар.
Сормай – алма, чакъырылмай – барма.
Атынг аманнга чыкъгъандан эсе, джанынг тамагъынгдан чыкъсын.
Ишин билген, аны сыйын чыгъарады.
Къарын къуру болса, джюрек уру болур.
Ачылгъан эт джабылыр, кёрген кёз унутмаз.
Ишленмеклик адамлыкъды.
Чыбыкълыкъда бюгюлмеген, къазыкълыкъда бюгюлмей эди.
Къыз тиширыу кеси юйюнде да къонакъды.
Адамны сыфатына къарама, сёзюне къара.
Айран ичген – къутулду, джугъусун джалагъан – тутулду.
Ойнаб айтсанг да, эслеб айт.
Сакъламагъан затынга джолукъсанг, не бек къууанаса, не бек ачыйса.
Тулпарлыкъ, билекден тюл – джюрекден.
Рысхы джалгъанды: келген да этер, кетген да этер.
Къонакъ аз олтурур, кёб сынар.
Окъдан джара эртде-кеч болса да бителир, сёз джара, ёмюрге къалыр.
Айырылмаз джууугъунга, унутмаз сёзню айтма.
Башынга джетмегенни сорма.
Баргъанынга кёре болур келгенинг.
Тенгинг джокъ эсе – изле, бар эсе – сакъла!
Ач къарным, тынч къулагъым.
Эшекге миннген – биринчи айыб, андан джыгъылгъан – экинчи айыб.
Кёб джат да, бек чаб.
Дуния мал дунияда къалады.
Чомартны къолу берекет.
Аджашхан тёгерек айланыр.
Аз сёлешген, къайгъысыз турур.
Тойгъан джерден туугъан джер игиди.
Ишлегенде эринме, ишде чолакъ кёрюнме.
Уллу сёзде уят джокъ.
Кёзюнде тереги болгъан, чёбю болгъаннга кюле эди.
Чабакъгъа акъыл, табагъа тюшсе келеди.
Босагъа таш юйге кирмей эди, тыбыр таш эшикге чыкъмай эди.

Логин:	Регистрация

Пароль:	Забыли пароль?

Запомнить меня

Аудио

Боташева Зурият

Скачать

Адрес