Аудио :: Аудио:: Боташева Зурият

Къыйынлы джети элни къайгъысын этер.
Ат басханны джер билед.
Джарлы тюеге минсе да, ит къабар.
Айтылгъан сёз ызына къайтмаз.
Алма терегинден кери кетмез.
Адебсиз адам – джюгенсиз ат.
Ашхылыкъ джерде джатмайды, аманлыкъ суугъа батмайды.
Айырылмаз джууугъунга, унутмаз сёзню айтма.
Эр абынмай, эл танымаз.
Сёз садакъдан кючлюдю.
Къайтырыкъ эшигинги, къаты уруб чыкъма.
Джыланны къуйругъундан басарынг келсе, аны башы болгъанын унутма.
Ёлген эшек бёрюден къоркъмайды.
Акъыл къартда, джашда тюйюлдю – башдады.
Эл элде бирер малынг болгъандан эсе, бирер тенгинг болсун.
Тилчиден кери бол.
Иги сеники эсе да, сюйген кесимикин этеме.
Сабий кёргенин унутмаз.
Адамны сабийин сюйген джюреги, бычакъча, джитиди.
Иги джашны ышаны – аз сёлешиб, кёб тынгылар.
Кеси юйюмде мен да ханма.
Къолу уллу – асыу, аягъы уллу – джарсыу.
Къыз тиширыу кеси юйюнде да къонакъды.
Бети бедерден, намыс сакълама.
Къыз келсе, джумуш эте келеди, къатын келсе, ушакъ эте келеди.
Аман киши кеси юйюнде – къонакъ.
Нафысынгы айтханын этме, намысынгы айтханын эт.
Къыз чыгъаргъан – къызыл къымжа.
Алтыда кюлмеген, алтмышда кюлмез.
Хар ишни да аллы къыйынды.
Къууут – джелге, берне – бошха.
Халкъны джырын джырласанг, халкъ санга эжиу этер.
Телини эшигин, махтау джабар.
Джуртун къоругъан озар.
Суу да къайтады чыкъгъан джерине.
Мал кёб болса, джууукъ кёб болур.
Садакъачыны джаны – къапчыгъында.
Дууулдаса – бал чибин, къонса – къара чибин.
Ушамагъан – джукъмаз.
Окъ къызбайны джокълайды.
Эли джокъну – кёлю джокъ.
Ата Джуртуму башы болмасам да, босагъасында ташы болайым.
Джылар джаш, атасыны сакъалы бла ойнар.
Ётюрюкчюню шагъаты – къатында.
Ач – эснер, ат – кишнер.
Къуру гыбыт бек дыгъырдар.
Билмегенинги, билгеннге сор.
Ашхы – джыяр, аман – джояр.
Сютню башын джалагъан къутулур, тюбюн ичген тутулур.
Джахил болса анасы, не билликди баласы?

Логин:	Регистрация

Пароль:	Забыли пароль?

Запомнить меня

Аудио

Боташева Зурият

Скачать

Адрес