Аудио ::

Эте билген, этген этеди, эте билмеген, юретген этеди!
Огъурлуну сёзю – суу, огъурсузну сёзю – уу.
Аджал соруб келмез, келсе, къайтыб кетмез.
Эки къатын алгъанны къулагъы тынгнгаймаз.
Арыгъан къош чамчы болур.
Адеб базарда сатылмаз.
Иесиз малны бёрю ашар.
Танг атмайма десе да, кюн къоярыкъ тюйюлдю.
Ётюрюк хапар аякъ тюбю бла джюрюйдю.
Аллахдан тилесенг, кёб тиле.
Сибиртки да сыйлы болду, кюрек да кюнлю болду.
Байлыкъдан саулукъ ашхыды.
Харам къарнашдан, халал тенг ашхы.
Соргъан айыб тюлдю, билмеген айыбды.
Эрине къаргъыш этген къатын, эрнин къабар.
Кюн кёрмеген, кюн кёрсе, кюндюз чыракъ джандырыр.
Сабий кёргенин унутмаз.
Чабар ат – джетген къыз.
Магъанасыз сёз – тауушсуз сыбызгъы.
Гырджын – тепсини тамадасы.
Чабакъ башындан чирийди.
Мал тутхан – май джалар.
Биреу къой излей, биреу той излей.
Юйлю уругъа ит чабмаз.
Ишленмеклик адамлыкъды.
Башынга джетмегенни сорма.
Тилчи бир сагъатха айлыкъ хата этер.
Джеринден айырылгъан – джети джылар, джуртундан айырылгъан – ёлгюнчю джылар.
Кийимни бичсенг, кенг бич, тар этген къыйын тюлдю.
Эртде тургъан бла эртде юйленнген сокъуранмаз.
Айран тёгюлсе, джугъусу къалыр.
Чакъырылгъанны аты, чакъырылмагъанны багъасы болур.
Къонакъ аз олтурур, кёб сынар.
Джаным-тиним – окъуу, билим.
Садакъачыны джаны – къапчыгъында.
Ата Джуртун танымагъан, атасын да танымаз.
Кёбге таш атма.
Келинин тута билмеген, къул этер, къызын тута билмеген, тул этер.
Шапа кёб болса, аш татымсыз болур.
Сангырау къулакъ эл бузар.
Аманнга игилик этсенг, юйюнге сау бармазса.
Ёлген ийнек сютлю болур.
Джырчы ёлсе, джыры къалыр.
Ашхы адам – халкъ байлыгъы, ашхы джер – джашау байлыгъы.
Ёлмесенг да, къарт дамы болмазса?
Игини сыйлагъан адетди.
Босагъа таш юйге кирмей эди, тыбыр таш эшикге чыкъмай эди.
Къартха ушагъан джаш – акъыллы, джашха ушагъан къарт – тели.
Миллетни бойну – базыкъ, аны бла кюрешген – джазыкъ.
Тойгъанлыкъ къойгъа джарашады.

Логин:	Регистрация

Пароль:	Забыли пароль?

Запомнить меня

Аудио

Скачать

Популярные песни

Адрес