Аудио :: Аудио:: Газаев Алим

Алтыда кюлмеген, алтмышда кюлмез.
Сагъыш – къартлыкъгъа сюйюмчю.
Биреу ашаб къутулур, биреу джалаб тутулур.
Ишлемеген – тишлемез.
Адамны артындан къара сабан сюрме.
Къызбайны юйюне дери сюрсенг, батыр болур.
Эртде тургъан джылкъычыны эркек аты тай табар.
Халкъны джырын джырласанг, халкъ санга эжиу этер.
Зарда марда джокъ.
Эки къатын алгъан – эки ташны ортасына башын салгъан.
Къыйынлы джети элге оноу этер.
Ханнга да келеди хариблик.
Экиндини кеч къылсанг, чабыб джетер ашхам.
Байлыкъ болгъан джерде, тынчлыкъ джокъду.
Ауругъан – джашаудан умутчу.
Кёлсюзден сёзсюз тууар.
Бетинги сатма, малынгы сат.
Алтыннга тот къонмаз.
Тил джюрекге джол ишлейди.
Хата – гитчеден.
Мухарны эси – ашарыкъда.
Билимли ёлмез, билимсиз кёрмез.
Акъыллы айтыр эди, акъылсыз къоймайды.
Билмейме деген – бир сёз
Джеринден айырылгъан – джети джылар, джуртундан айырылгъан – ёлгюнчю джылар.
Ачыкъ джюрекге джол – ачыкъ.
Таукелге нюр джауар.
Къызгъанчдан ычхыныр, мухардан ычхынмаз.
Айырылгъанланы айю ашар, бёлюннгенлени бёрю ашар.
Уллу къазанда бишген эт, чий къалмаз.
Ёксюзню тилеги къабыл болур.
Ауурну тюбю бла, дженгилни башы бла джюрюген.
Мадар болса, къадар болур.
Къаллай салам берсенг, аллай джууаб алырса.
Тойгъандан сора, ашны сёкме.
Ишлерге уял да, ашаргъа табма.
Билимсиз иш бармаз.
«Ма», - дегенни билмесенг, «бер», - дегенни билмезсе.
Кесинге джетмегенни, кёб сёлешме.
Ач, тоймам, дейди, тойгъан, ач болмам, дейди.
Дуния мал дунияда къалады.
Билим къая тешер.
Рысхы – сют юсюнде кёмюк кибикди.
Къар – келтирди, суу – элтди.
Дуния аламаты сен эсенг да, игиме деб айтма.
Ана – юйню кюн джарыгъы.
Джаш болсун, къыз болсун, акъылы, саны тюз болсун.
Адамны аманы адамны бети бла ойнар.
Кюлме джашха – келир башха.
Аманнга да, игиге да оноусуз къатышма.

Логин:	Регистрация

Пароль:	Забыли пароль?

Запомнить меня

Аудио

Газаев Алим

Скачать

Адрес