- Киштикге къанат битсе, чыпчыкъ къалмаз эди.
- Адеб джокъда, намыс джокъ.
- Юй ишлеген балта эшикде къалыр.
- Джарлыны эшигин махтагъан джабар.
- Тешигини къатында, чычхан да батыр болур.
- Кюн – узун, ёмюр – къысха.
- Баш – акъыл ючюн, акъылман – халкъ ючюн.
- Арыгъан къош чамчы болур.
- Адамны артындан къара сабан сюрме.
- Ичимден чыкъды хата, къайры барайым сата?
- Сютден ауузу кюйген, суугъа юфгюре эди.
- От этилмеген джерден тютюн чыкъмайды.
- Насыблы элин сюер, насыбсыз кесин сюер.
- Кёб джат да, бек чаб.
- Байлыкъдан саулукъ ашхыды.
- Малны кют, джерни тюрт.
- Булут кёкге джарашыу, уят бетге джарашыу.
- Эм уллу байлыкъ – джан саулукъ.
- Кёл ашады да, кеси ашады.
- Ариу джол аджал келтирмез.
- Баланы адам этген анады.
- Къартха ушагъан джаш – акъыллы, джашха ушагъан къарт – тели.
- Джолунга кёре – джюрюшюнг, джагъанга кёре – юлюшюнг.
- Олтуруб кёрюнмей эди да, ёрге туруб кёрюне эди.
- Окъдан джара эртде-кеч болса да бителир, сёз джара, ёмюрге къалыр.
- Кимни – тили, тиши онглу, кимни – къолу, иши онглу.
- Сагъыш – къартлыкъгъа сюйюмчю.
- Биреуге аманлыкъны тилеме да, кесинге ашхылыкъны тиле.
- Гугук кесини атын айтыб къычыргъанча, мен, мен деб нек тураса?
- Ариуну – ауруу кёб.
- Уллу сёлешме да, уллу къаб.
- Джахил болса анасы, не билликди баласы?
- Эр сокъур болсун, къатын тилсиз болсун.
- Нарт сёз къарт болмаз.
- Ойнай-ойнай кёз чыгъар.
- Эл ауузу – элия.
- Окъугъанны бети джарыкъ.
- Джюрекге ариу – кёзге да ариу.
- Хунаны тюбюн къазсанг, юсюнге ауар.
- Джаралыны джастыгъында сау ёлюр.
- Телиге от эт десенг, юйюнге от салыр.
- Айныгъанлы алты кюн, тогъайгъанлы тогъуз кюн.
- Билмегенинги, билгеннге сор.
- Сагъышы джокъ – джукъучу, акъылы джокъ – къаугъачы.
- Тынгылагъан тынгы бузар.
- Ашхы сёз таш тешер.
- Джумушакъ терекни къурт ашар.
- Арбаз сайлама да, хоншу сайла.
- Эринчекни аурууу – кёб.
- Чакъырылмагъан къонакъ – орунсуз.
