Расширенный поиск
12 Мая 2024 года
Логин: Регистрация
Пароль: Забыли пароль?
Навигация
Словарь
  • Атлыны кёрсе, джаяуну буту талыр.
  • Сакъ юйюне сау барыр.
  • От кюйдюрген, сау болса да, тот кюйдюрген, сау болмаз.
  • Тин – байлыгъынг, терен саулугъунг.
  • Окъугъан – асыу, окъумагъан – джарсыу.
  • Аман киши кеси юйюнде – къонакъ.
  • Аман хансны – урлугъу кёб.
  • Биреуге аманлыкъны тилеме да, кесинге ашхылыкъны тиле.
  • Аджаллыгъа окъсуз шкок атылыр.
  • Джюрекге ариу – кёзге да ариу.
  • Башынга джетмегенни сорма.
  • Къонакъ аман болса, къонакъбай джунчур
  • Нарт сёз – тилни бети.
  • Джумушакъ терекни къурт ашар.
  • Тюз сёз баргъан сууну тыяр.
  • Эл элде бирер малынг болгъандан эсе, бирер тенгинг болсун.
  • Джахил болса анасы, не билликди баласы?
  • Тай асырагъан, атха минер.
  • Ауругъаннга – кийик саулукъ, джетген къызгъа – чилле джаулукъ.
  • Ёлюк кебинсиз къалмаз.
  • Керти сёзге тёре джокъ.
  • Тили узунну, намысы – къысха.
  • Айныгъанлы алты кюн, тогъайгъанлы тогъуз кюн.
  • Азыкълы ат арымаз, къатыны аман джарымаз.
  • Зар адамны насыбы болмаз.
  • Уллу къазанда бишген эт, чий къалмаз.
  • Ёгюзню мюйюзюнден тутадыла, адамны сёзюнден тутадыла.
  • Гугук кесини атын айтыб къычыргъанча, мен, мен деб нек тураса?
  • Ишге юренсин къоллары, халкъ бла болсун джоллары.
  • Ачлыкъда тары гырджын халыуадан татлы.
  • Таякъ этден ётер, тил сюекден ётер.
  • Экеу тутушса, биреу джыгъылыр.
  • Адамны бетине къарама, адетине къара.
  • Мен да «сен», дейме, сен да «кесим», дейсе.
  • Къыйынлы джети элге оноу этер.
  • Чабакъ башындан чирийди.
  • Сангырау къулакъ эл бузар.
  • Къая джолда джортма, ачыкъ сёзден къоркъма.
  • Шайтан алдады, тюзлюк къаргъады.
  • Джангыз терек къынгыр ёсер.
  • Окъуусуз билим – джокъ, билимсиз кюнюнг – джокъ.
  • Адамны джюреги нени кёрюрге сюйсе, кёзю да аны кёрюрге ёч болады.
  • Намыс болмагъан джерде, насыб болмаз.
  • Чомартны къолу берекет.
  • Ач, тоймам, дейди, тойгъан, ач болмам, дейди.
  • Къонакъ хазыр болгъанлыкъгъа, къонакъбай хазыр тюлдю.
  • Къонагъы джокъну – шоху джокъ.
  • Сагъыш – къартлыкъгъа сюйюмчю.
  • Тешик этген тынчды, аны джамагъан къыйынды.
  • Алтыннга тот къонмаз.

Аудио

Газаев Алим

Файлов: 54

Обновлен: 10.07.2017

  • Газаев Алим Анам
(Голосов: 11, Рейтинг: 4.64)

Описание

Дата: 17.11.2012
Прослушиваний: 9500
Скачиваний: 2893
Размер: 10.58 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.