Аудио :: Аудио:: Габаев Тенгиз

Ётген ёмюр – акъгъан суу.
Аджал соруб келмез, келсе, къайтыб кетмез.
Бозанг болмагъан джерге, къалагъынгы сукъма.
Ётюрюкчюню шагъаты – къатында.
Къозулугъунда тоймагъан, къойлугъунда тоймаз.
Тюзню ётмеги тюзде къалса да, тас болмаз.
Ишленмеген джаш – джюгенсиз ат, ишленмеген къыз – тузсуз хант.
Кийим тукъум сордурур.
Юре билмеген ит, къонакъ келтирир.
Хунаны тюбюн къазсанг, юсюнге ауар.
Айырылгъанланы айю ашар, бёлюннгенлени бёрю ашар.
Уллу къашыкъ эрин джыртар.
Юреннген ауруу къалмаз.
Ёлюк кебинсиз къалмаз.
Къызгъанчдан ычхыныр, мухардан ычхынмаз.
Берекет берсин деген джерде, берекет болур.
Къазанда болса, чолпугъа чыгъар.
Онгсузну – джакъла, тенгликни – сакъла.
Сабыр джетер муратха, сабырсыз къалыр уятха.
Ашарыкъда сайлагъаннга – чий гырджын.
Байлыкъ келсе, акъыл кетер.
Джылкъыдан – ат чыгъар, тукъумдан – джаш чыгъар.
Шайтан алдады, тюзлюк къаргъады.
Ёлген эшек бёрюден къоркъмайды.
Айтхан сёзюне табылгъан.
Ашхылыкъ джерде джатмайды, аманлыкъ суугъа батмайды.
Адам туугъан джеринде, ит тойгъан джеринде.
Адамны аты башхача, акъылы да башхады.
Сютню башын джалагъан къутулур, тюбюн ичген тутулур.
Акъдан къара болмаз.
Халкъгъа джарагъан, джарлы къалмаз.
Хазыр ашха – терен къашыкъ.
Къонагъы джокъну – шоху джокъ.
Джумушакъ сёз къаты таякъны сындырыр.
Къарнынг бла ёч алма.
Окъугъанны бети джарыкъ.
Тил – миллетни джаны.
Тил бла келеди джыр да.
Къанны къан бла джуума, аманны аман бла къуума.
Къуллукъчума, деб махтанма, къуллукъ – хаух джамчыды!
Ёксюзню тилеги къабыл болур.
Билим – акъылны чырагъы.
Эшекге миннген – биринчи айыб, андан джыгъылгъан – экинчи айыб.
Баргъанынга кёре болур келгенинг.
Шекер бла туз – бир болмаз, ушамагъан – юй болмаз.
Экеу тутушса, биреу джыгъылыр.
Джарлыны тону джаз битер.
Артына баргъанны, къатына барма.
Башынга джетмегенни сорма.
Иги сеники эсе да, сюйген кесимикин этеме.

Логин:	Регистрация

Пароль:	Забыли пароль?

Запомнить меня

Аудио

Габаев Тенгиз

Скачать

Скачать

Альбом “Зикирле”

Адрес