Аудио :: Аудио:: Узденов Альберт

Джауумдан сора, кюн кюйдюрюр, ётюрюкден сора, айыб кюйдюрюр.
Акъылсызны джууукъгъа алма, акъыллыны кенгнге салма.
Ач къалгъандан, кеч къалгъан къолай.
Иги болса, тамадама – махтау, аман болса, меннге – айыб.
Къулакъдан эсе, кёзге ышан.
Ата джурт – алтын бешик.
Хар зат кесини орнуна иги.
Джаш болсун, къыз болсун, акъылы, саны тюз болсун.
Иесиз малны бёрю ашар.
Сангырау къулакъ эл бузар.
Гырджын – тепсини тамадасы.
Бети бедерден, намыс сакълама.
Тил – миллетни джаны.
Айыбны суу бла джууалмазса.
Ата Джуртча джер болмаз, туугъан элча эл болмаз.
Къызбайны юйюне дери сюрсенг, батыр болур.
Эшекге миннген – биринчи айыб, андан джыгъылгъан – экинчи айыб.
Мал ёлсе, сюек къалыр, адам ёлсе, иши къалыр.
Ата – баланы уясы.
Айырылгъанланы айю ашар, бёлюннгенлени бёрю ашар.
Уясында не кёрсе, учханында аны этер.
Эки итни арасына сюек атма, эки адамны арасында сёз чыгъарма.
Къонакъ кёб келюучю юйню, къазаны отдан тюшмез.
Тамчы таш тешер.
Огъурлуну сёзю – суу, огъурсузну сёзю – уу.
Кийим тукъум сордурур.
Таш ата билмеген, башына урур.
Билгенни къолу къарны джандырыр.
Мухар, кеси тойса да, кёзю тоймаз.
Билимсиз иш бармаз.
Билимден уллу байлыкъ джокъду.
Къралынгы – душмандан, башынгы от бла суудан сакъла.
Душманны тышы – акъ, ичи – къара.
Джарлы эскисин джамаса, къууаныр.
Татлы сёз – балдан татлы.
Джарлы тюеге минсе да, ит къабар.
Ачыкъ джюрекге джол – ачыкъ.
Тюзню ётмеги тюзде къалса да, тас болмаз.
Кюн кёрмеген, кюн кёрсе, кюндюз чыракъ джандырыр.
Сакъламагъан затынга джолукъсанг, не бек къууанаса, не бек ачыйса.
Тилде сюек болмаса да, сюек сындырыр.
Ашлыкъ – бюртюкден, джюн – тюкден.
Чакъырылмай келген къонакъ сыйланмай кетер.
Къонакъ аман болса, къонакъбай джунчур
Ачлыкъ отха секиртир.
Адам сёзге тынгыла, акъыл сёзню ангыла.
Ашаса, ашамаса да, бёрюню ауузу – къан.
Джарлы джети элни сёзюн этер.
Эринчекни аурууу – кёб.
Чыкълы кюнде чыкъмагъан, чыкъса къуру кирмеген.

Логин:	Регистрация

Пароль:	Забыли пароль?

Запомнить меня

Аудио

Узденов Альберт

Скачать

Адрес