Аудио :: Аудио:: Теппеев Алим

Эки итни арасына сюек атма, эки адамны арасында сёз чыгъарма.
Эски джаугъа ышанма.
Бек ашыкъгъан меннге джетсин, дегенди аракъы.
Джети тилни билген джети кишиди.
Джукъу тёшек сайламайды.
Арпа, будай – ащды, алтын, кюмюш а – ташды.
Ана – юйню кюн джарыгъы.
Бюгюн дуния кибик, тамбла ахыратды.
Иги болса, тамадама – махтау, аман болса, меннге – айыб.
Элиб деген, элге болушур.
Арбаз къынгырды да, ийнек сауалмайма.
Сакъалы текени да бар, мыйыгъы киштикни да бар.
Эки элинги тыйсанг, джети элде махталырса.
Тенгни тенглиги джашай барсанг билинир.
Тюзлюк шохлукъну бегитир.
Душманны тышы – акъ, ичи – къара.
Ёмюрлюк шохлукъну джел элтмез.
Акъылсызны джууукъгъа алма, акъыллыны кенгнге салма.
Aдам боллукъ, сыфатындан белгили.
Джетген къыз джерли эшекни танымаз.
Ёлюр джаннга, ёкюл джокъ.
Нафысынгы айтханын этме, намысынгы айтханын эт.
Таукел адам тау тешер.
Бети къызарыучу адамны, джюреги харам болмаз.
Джарлы эскисин джамаса, къууаныр.
Нарт сёз къарт болмаз.
Билими азны – ауузунда кирит.
Уллу къашыкъ эрин джыртар.
Берекет берсин деген джерде, берекет болур.
Ёлюк кебинсиз къалмаз.
Бал ашаргъа сюе эсенг, чибин ургъаннга тёз.
Кёзден кетген, кёлден да кетеди.
Игини сыйлагъан адетди.
Алтыннга тот къонмаз.
Ёнгкюч къууана барыр, джылай келир.
Сормай – алма, чакъырылмай – барма.
Айран ичген – къутулду, джугъусун джалагъан – тутулду.
Сагъыш – къартлыкъгъа сюйюмчю.
Къобан да къуру да къобханлай турмайды, адам да къуру да патчахлай турмайды.
Булут кёкге джарашыу, уят бетге джарашыу.
Атлыны кёрсе, джаяуну буту талыр.
Джаз бир кюнню джатсанг, къыш талай кюнню абынырса.
Кёбню кёрген – кёб билир.
Биреуню тёрюнден, кесинги эшик артынг игиди.
Ариу сёз – къылычдан джити.
Ишни аллы бла къууанма да, арты бла къууан.
Бир абыннган – минг сюрюнюр.
Ёксюзню къалачы уллу кёрюнюр.
Танг атмайма десе да, кюн къоярыкъ тюйюлдю.
Иги бла джюрюсенг, джетерсе муратынга, аман бла джюрюсенг, къалырса уятха.

Логин:	Регистрация

Пароль:	Забыли пароль?

Запомнить меня

Аудио

Теппеев Алим

Скачать

Адрес