Аудио :: Аудио:: Отаров Омар

Келинин тута билмеген, къул этер, къызын тута билмеген, тул этер.
Эринчекге кюн узун.
Сабийни джумушха джибер да, ызындан бар.
Чакъырылгъанны аты, чакъырылмагъанны багъасы болур.
Байлыкъ болгъан джерде, тынчлыкъ джокъду.
Термилгенинги табмазса, кюлгенинге тюберсе.
Эшекни не къадар тюйсенг да, ат болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ариуну – ауруу кёб.
Эрине къаргъыш этген къатын, эрнин къабар.
Хатерли къул болур.
Зар адамны насыбы болмаз.
Эри аманны, къатыны – аман.
Ауругъан – джашаудан умутчу.
Билмейме деген – бир сёз
Махтаннган къыз, тойда джукълар.
Узун джолну барсанг, бюгюн келирсе, къысха джолну барсанг, тамбла келирсе.
Чарсда алчыны эл кёреди.
Эр сокъур болсун, къатын тилсиз болсун.
Тёрдеги кюлсе, эшикдеги ышарыр.
Къыз чыгъаргъан – къызыл къымжа.
Къарнынг ауруса, ауузунгу тый
Адамны джюреги нени кёрюрге сюйсе, кёзю да аны кёрюрге ёч болады.
Агъач – джерни чырайы, кийим – эрни чырайы.
Алгъанда – джууукъ, бергенде – джау.
Башда акъыл болмаса, эки аякъгъа кюч джетер.
Биреуню тёрюнден, кесинги эшик артынг игиди.
Урама да – ёледи, сатама да – келеди.
Сагъышы джокъ – джукъучу, акъылы джокъ – къаугъачы.
Эр абынмай, эл танымаз.
Иши джокъну, сыйы джокъ.
Бозаны арты дауур болур.
Хата – гитчеден.
Джаш болсун, къыз болсун, акъылы, саны тюз болсун.
Накъырданы арты керти болур.
Тойгъандан сора, ашны сёкме.
Хунаны тюбюн къазсанг, юсюнге ауар.
Иги бла джюрюсенг, джетерсе муратынга, аман бла джюрюсенг, къалырса уятха.
Мухар, кеси тойса да, кёзю тоймаз.
Кёзюнде тереги болгъан, чёбю болгъаннга кюле эди.
Къуру гыбыт бек дыгъырдар.
Джарашыу сюйген – джалынчакъ.
Кёкдеги болмаса, джердегин кёрмейди.
Чомартха Тейри да борчлуду.
Ауурну тюбю бла, дженгилни башы бла джюрюген.
Къазанны башы ачыкъ болса, итге уят керекди.
Арбаз къынгырды да, ийнек сауалмайма.
Халкъны юйю – туугъан джери.
Сёз садакъдан кючлюдю.
Айыбны суу бла джууалмазса.

Логин:	Регистрация

Пароль:	Забыли пароль?

Запомнить меня

Аудио

Отаров Омар

Скачать

Адрес