Аудио :: Аудио:: Гергокаева Халимат

Рысхы – сют юсюнде кёмюк кибикди.
Тойгъан джерге джети къайт.
Бек анасы джыламаз.
Кёрмегеннге кебек – танг, битмегеннге сакъал – танг.
Телиге акъыл салгъандан эсе, ёлгеннге джан салырса.
Иги сёз – джаннга азыкъ, аман сёз башха – къазыкъ.
Ана – юйню кюн джарыгъы.
Орундукъ тюбюнде атылсам да, орта джиликме, де да айлан.
Къонакъ аман болса, къонакъбай джунчур
Тешигини къатында, чычхан да батыр болур.
Джолда аягъынга сакъ бол, ушакъда тилинге сакъ бол.
Байлыкъ адамны сокъур этер.
Байлыкъ тауусулур, билим тауусулмаз.
Ач отунчуну ачыуу – бурнунда.
Керти сёзге тёре джокъ.
Джолунга кёре – джюрюшюнг, джагъанга кёре – юлюшюнг.
Намысы болмагъанны, сыйы болмаз.
Мадар болса, къадар болур.
Окъумагъан сокъурду, сокъур ташха абыныр!
Къулакъдан эсе, кёзге ышан.
Ойнаб айтсанг да, эслеб айт.
Чабакъгъа акъыл, табагъа тюшсе келеди.
Айтхан сёзюне табылгъан.
Акъыл къартда, джашда тюйюлдю – башдады.
Джангыз торгъай джырламаз.
Ёгюзню мюйюзлери ауурлукъ этмейдиле.
Ётюрюкден тюбю джокъ, кёлтюрюрге джиби джокъ.
Къобан да къуру да къобханлай турмайды, адам да къуру да патчахлай турмайды.
Дженгил джетерикме деб, узун джолну къоюб, къысхасын барма.
Айраннга суу къош, телиге джол бош.
Баргъанынга кёре болур келгенинг.
Атлыны кёрсе, джаяуну буту талыр.
Аман адам этегингден тутса, кес да къач.
Ёнгкюч къууана барыр, джылай келир.
Эски джаугъа ышанма.
Огъурлуну сёзю – суу, огъурсузну сёзю – уу.
Уллу къазанда бишген эт, чий къалмаз.
Джукъу тёшек сайламайды.
Ёксюзню къалачы уллу кёрюнюр.
Сабий кёргенин унутмаз.
Малны кют, джерни тюрт.
Джюрекге ариу – кёзге да ариу.
Ёгюзню мюйюзюнден тутадыла, адамны сёзюнден тутадыла.
Чакъырылмай келген къонакъ сыйланмай кетер.
Аманны къуугъан, аманлыкъ табар.
Магъанасыз сёз – тауушсуз сыбызгъы.
Эшекни не къадар тюйсенг да, ат болмаз.
Джыланны къуйругъундан басарынг келсе, аны башы болгъанын унутма.
Джаз бир кюнню джатсанг, къыш талай кюнню абынырса.
Ёлмесенг да, къарт дамы болмазса?

Логин:	Регистрация

Пароль:	Забыли пароль?

Запомнить меня

Аудио

Гергокаева Халимат

Скачать

Адрес