Расширенный поиск
11 Мая 2024 года
Логин: Регистрация
Пароль: Забыли пароль?
Навигация
Словарь
  • Къарт бла баш аша, джаш бла аякъ аша.
  • Джумушакъ терекни къурт ашар.
  • Къонакъны къачан кетерин сорма, къачан келлигин сор.
  • Джахил болса анасы, не билликди баласы?
  • Адеби болмагъан къыз – тузсуз хант.
  • Аманны эки битли тону болур, бирин сеннге кийдирир, бирин кеси киер.
  • Намысы джокъну – дуниясы джокъ.
  • Аз айтсам, кёб ангылагъыз.
  • Къарнынг бла ёч алма.
  • Къонакъ кёб келюучю юйню, къазаны отдан тюшмез.
  • Илму – джашауну джолу.
  • Ауругъан – джашаудан умутчу.
  • Эки итни арасына сюек атма, эки адамны арасында сёз чыгъарма.
  • Ач да бол, токъ да бол – намысынга бек бол.
  • Къарнынг къанлынга кийирир.
  • Суу ичген шауданынга тюкюрме.
  • Окъугъан – асыу, окъумагъан – джарсыу.
  • Урама да – ёледи, сатама да – келеди.
  • Ишленмеген джаш – джюгенсиз ат, ишленмеген къыз – тузсуз хант.
  • Чакъырылмагъан джерге барма, чакъырылгъан джерден къалма.
  • Малны кют, джерни тюрт.
  • Айтхан – тынч, этген – къыйын.
  • Бир онгсуз адам адет чыгъарды, деб эштирик тюлсе.
  • Биреуню тёрюнден, кесинги эшик артынг игиди.
  • Аман киши кеси юйюнде – къонакъ.
  • Гитче джилтин уллу элни джандырыр.
  • Билим насыб берир, билим джолну керир.
  • Кёзю сокъурдан – къоркъма, кёлю сокъурдан – къоркъ.
  • Джолунга кёре – джюрюшюнг, джагъанга кёре – юлюшюнг.
  • Танг атмайма десе да, кюн къоярыкъ тюйюлдю.
  • Джылар джаш, атасыны сакъалы бла ойнар.
  • Къатын байлыкъны сюер, эр саулукъну сюер.
  • Джарлыны эшигин махтагъан джабар.
  • Гугурук къычырмаса да, тангны атары къалмаз.
  • Аджаллыгъа окъсуз шкок атылыр.
  • Аманны къуугъан, аманлыкъ табар.
  • Ишге юренсин къоллары, халкъ бла болсун джоллары.
  • Иги адамны бир сёзю эки болмаз.
  • Къозулугъунда тоймагъан, къойлугъунда тоймаз.
  • Ариу сёз – къылычдан джити.
  • Азыкъ аз болса, эртде орун сал.
  • Къарнынг тойгъунчу аша да, белинг талгъынчы ишле.
  • Ач къарынны, токъ билмез
  • Эм ашхы къайын ана мамукъ бла башынгы тешер.
  • Тюзню ётмеги тюзде къалса да, тас болмаз.
  • Кёб къычыргъандан – къоркъма, тынч олтургъандан – къоркъ.
  • Элиб деген, элге болушур.
  • Кесинг сынамагъан затны, адамгъа буюрма.
  • Билимден уллу байлыкъ джокъду.
  • Агъач – джерни чырайы, кийим – эрни чырайы.

Аудио

Наши Ремейки ;)

Файлов: 12

Обновлен: 28.08.2011

  • Багъалы мени къартларым
(Голосов: 11, Рейтинг: 4.73)

Описание

Дата: 04.03.2009
Прослушиваний: 4931
Скачиваний: 1834
Размер: 4.35 МБ

Комментарии (1)

    Джаратама0
    Сэстренка
    07.01.2017 01:15:22
    Уллайгъанла мени къартларым,
    Башлары да бирден агъаргъанды.
    Туудукъла туугъанлы тюрлениб,
    Анама "къарт ання" аталгъанды.

    Маллары къайгъылыды атам.
    Алагъа аш сала кечинед.
    Кёзлери ышарыб, къол тутсам,
    Ичинде къуанчын билдиред.

    Эжиу:
    Джанымдан бек сюйген къартларым,
    Джууукъда да сизни тансыкълайма.
    Адебли, намыслы къартларым,
    Узакъда да сизни къучакълайма.

    Анамы юй иши тохтаусуз,
    Къой дегенни унамай барады.
    Ишлерге кюрешиб аяусуз,
    Бизлеге кёб къоркъуу да салады.

    Туудукъла чабышыб джетселе,
    Ийнакълаб, табханы бла сыйлайд.
    Сыркыула, хатала этселе,
    Урушдурмай, бизден къоруулайд.

    Эжиу.

    Юйюрге этгенлей насихат,
    Бир Аллах бла, тийре бла джашайсыз.
    Къуанчха къураласыз рахат,
    Бушуугъа ашыгъыш атланасыз.

    Къонакъла джасалыб келселе,
    Алагъа сиз чексиз къуана,
    Джасатасыз тёрде тепсиле,
    Келинле да эте хычынла.

    Эжиу.

    Джууугъум, миллетим дегенлей,
    Уллугъа, гитчеге къайгъырасыз.
    Сау-эсен, ауруусуз, биргелей,
    Насыбха бёлениб, кёб джашагъыз!

    Джанымы мен сизден аямам,
    Этерге кюреширме разы.
    Кёкледе да болмаз бир инсан
    Экигизча меннге багъалы!

    Эжиу.
    Ссылка
    • Зарегистрируйтесь чтобы пользоваться плейлистом.