Эльбрусоид :: Эльбрусоид

Джашынгы кесинг юретмесенг, джашау юретир.
Тюкюрюк баш джармаз, налат кёз чыгъармаз!
Шапа кёб болса, аш татымсыз болур.
Джюрекден джюрекге джол барды.
Тёрде – темир таякълы, къаяда – чыпчыкъ аякълы.
Джангыз терек къынгыр ёсер.
Босагъа таш юйге кирмей эди, тыбыр таш эшикге чыкъмай эди.
Ашлыкъны арба юйге келтирир, чана базаргъа элтир.
Къыйынлы джети элни къайгъысын этер.
Аш кетер да бет къалыр.
Юйлю уругъа ит чабмаз.
Мал тутхан – май джалар.
Бёрю да ач къалмасын, эчки да ашалмасын.
Айтханы чапыракъдан ётмеген.
Хазыр ашха – терен къашыкъ.
Ишлегенден, къарагъан уста.
Акъылсызны джууукъгъа алма, акъыллыны кенгнге салма.
Адамны бетине къарама, адетине къара.
Джылар джаш, атасыны сакъалы бла ойнар.
Ачыкъ джюрекге джол – ачыкъ.
Экиндини кеч къылсанг, чабыб джетер ашхам.
Адамны сыфатына къарама, сёзюне къара.
Джаз бир кюнню джатсанг, къыш талай кюнню абынырса.
Айран тёгюлсе, джугъусу къалыр.
Кенгеш болса, уруш болмаз.
Къонакъ кёб келюучю юйню, къазаны отдан тюшмез.
Арбаз сайлама да, хоншу сайла.
Кёлсюзден сёзсюз тууар.
Кёзюнде тереги болгъан, чёбю болгъаннга кюле эди.
Ёгюзню мюйюзлери ауурлукъ этмейдиле.
Гитче джилтин уллу элни джандырыр.
Мухар, кеси тойса да, кёзю тоймаз.
Байлыкъ адамны сокъур этер.
Ачыу алгъа келсе, акъыл артха къалады.
Бичгенде ашыкъма, тикгенде ашыкъ.
Термилгенинги табмазса, кюлгенинге тюберсе.
Ашыкъгъан cуу, тенгизге джетмез.
Джахил болса анасы, не билликди баласы?
Итли къонакъ джарашмаз.
Элге къуллукъ этмеген, элге ие болмаз.
Къар – келтирди, суу – элтди.
Джюрек кёзден алгъа кёрюр.
Сангырау къулакъ эл бузар.
Уллу къазанда бишген эт, чий къалмаз.
Ёлген ийнек сютлю болур.
Орундукъ тюбюнде атылсам да, орта джиликме, де да айлан.
Ёлген аслан – сау чычхан.
Гыдай эчки суугъа къараб, мюйюзле кёрмесе, джашма алкъын, дегенди.
Ишге юренсин къоллары, халкъ бла болсун джоллары.
Суу да къайтады чыкъгъан джерине.