Эльбрусоид :: Эльбрусоид

Айран ичген – къутулду, джугъусун джалагъан – тутулду.
Кёбге таш атма.
Ишлегенде эринме, ишде чолакъ кёрюнме.
Джюрек кёзден алгъа кёрюр.
Дуния малгъа сатылма, кесингден телиге къатылма.
Къонакъ аман болса, къонакъбай джунчур
Джашлыкъ этмеген, башлыкъ этмез.
Ашыкъгъан cуу, тенгизге джетмез.
Ёлген эшек бёрюден къоркъмайды.
Шапа кёб болса, аш татымсыз болур.
Кёб къычыргъандан – къоркъма, тынч олтургъандан – къоркъ.
Билим насыб берир, билим джолну керир.
Къарны аманнга къазан такъдырма, къолу аманнга от джакъдырма.
Къалгъан ишге къар джауар.
Аджашханны ызындагъы кёреди, джангылгъанны джанындагъы биледи.
Эр абынмай, эл танымаз.
Хар зат кесини орнуна иги.
Ата Джуртуму башы болмасам да, босагъасында ташы болайым.
Намыс болмагъан джерде, насыб болмаз.
Аманнга игилик этсенг, юйюнге сау бармазса.
Кёб джашагъан – кёб билир.
Кёл – къызбай, къол – батыр.
Арба аугъандан сора, джол кёргюзтюучю кёб болур.
Ачыкъ джюрекге джол – ачыкъ.
Джыйырма къойну юч джыйырма эбзе кюте эди.
Кютгени беш эчки, сызгъыргъаны уа, джерни джарады.
Чакъырылмагъан джерге барма, чакъырылгъан джерден къалма.
Нарт сёз къарт болмаз.
Къралынгы – душмандан, башынгы от бла суудан сакъла.
Сакъ юйюне сау барыр.
Ашхы сёз таш тешер.
Урунуу – насыбны анасы.
Сангырау къулакъ эл бузар.
Хунаны тюбюн къазсанг, юсюнге ауар.
Акъылсызны джууукъгъа алма, акъыллыны кенгнге салма.
Чакъырылмай келген къонакъ сыйланмай кетер.
Къая джолда джортма, ачыкъ сёзден къоркъма.
Адеб базарда сатылмаз.
Къарын къуру болса, джюрек уру болур.
Ашына кёре табагъы, балына кёре къалагъы.
Адамны аманы адамны бети бла ойнар.
Босагъагъа джууукъ орун болса, ашыгъыб тёрге озма.
Окъдан джара эртде-кеч болса да бителир, сёз джара, ёмюрге къалыр.
Эл элде бирер малынг болгъандан эсе, бирер тенгинг болсун.
Ишлегенден, къарагъан уста.
Душманны тышы – акъ, ичи – къара.
Башда акъыл болмаса, эки аякъгъа кюч джетер.
Иги – алгъыш этер, аман – къаргъыш этер.
Ат да турмайды бир териде.
Тюкюрюк баш джармаз, налат кёз чыгъармаз!