- Сёз – кюмюш, джыр – алтын.
- Таякъ этден ётер, тил сюекден ётер.
- Тай асырагъан, атха минер.
- Рысхы – сют юсюнде кёмюк кибикди.
- Тёрени джагъы джокъ.
- Кюн – узун, ёмюр – къысха.
- Эркишиге тары кебек танг кёрюнюр.
- От этилмеген джерден тютюн чыкъмайды.
- Эте билген, этген этеди, эте билмеген, юретген этеди!
- Кесинг сынамагъан затны, адамгъа буюрма.
- Болджал ишни бёрю ашар.
- Акъыллы эркиши атын махтар, акъылсыз эркиши къатынын махтар.
- Онгсузну – джакъла, тенгликни – сакъла.
- Бюгюн дуния кибик, тамбла ахыратды.
- Эрине къаргъыш этген къатын, эрнин къабар.
- Окъугъан – асыу, окъумагъан – джарсыу.
- Джеринден айырылгъан – джети джылар, джуртундан айырылгъан – ёлгюнчю джылар.
- Терек ауса, отунчу – кёб.
- Бал ашаргъа сюе эсенг, чибин ургъаннга тёз.
- Къонакъ аман болса, къонакъбай джунчур
- Окъдан джара эртде-кеч болса да бителир, сёз джара, ёмюрге къалыр.
- Суу да къайтады чыкъгъан джерине.
- Джол бла сёзню къыйыры джокъ.
- Башынга джетмегенни сорма.
- Ушамагъан – джукъмаз.
- Чабакъ башындан чирийди.
- Нёгерсизни джолу узун.
- Окъ къызбайны джокълайды.
- Чоюнну башы ачыкъ болса, итге уят керекди.
- Уллу айтханны этмеген – уллаймаз.
- Танг атмайма десе да, кюн къоярыкъ тюйюлдю.
- Окъугъан озар, окъумагъан тозар.
- Кийим тукъум сордурур.
- Къарнынг къанлынга кийирир.
- Джауумдан сора, кюн кюйдюрюр, ётюрюкден сора, айыб кюйдюрюр.
- Илму – джашауну джолу.
- Гырджын – тепсини тамадасы.
- Ашхы тенг джолгъа салыр, аман тенг джолдан тайдырыр.
- Элни кючю – эмеген.
- Ашха уста, юйюнде болсун
- Аууз сакълагъан – джан сакълар.
- Джумушакъ сёз къаты таякъны сындырыр.
- Ойнай-ойнай кёз чыгъар.
- Ач келгенни – тойдур, кеч келгенни – къондур.
- Адеб этмеген, адеб кёрмез.
- Джюрек кёзден алгъа кёрюр.
- Гитче джилтин уллу элни джандырыр.
- Ёпкелегенни ашы татлы болады.
- Тёзгеннге, джабылгъан эшик ачылыр.
- Адебсиз адам – джюгенсиз ат.