Эльбрусоид :: Эльбрусоид

Тин – байлыгъынг, терен саулугъунг.
Бир абыннган – минг сюрюнюр.
Къайгъыны сюйген, къайгъы табар.
Зарда марда джокъ.
Ишлемеген – тишлемез.
Сабийни джумушха джибер да, ызындан бар.
Ашатыргъа иш – ашхы, ишлетирге аш – ашхы.
Тёгюлген тюгел джыйылмайды.
Ат да турмайды бир териде.
Джюз элде джюз ёгюзюм болгъандан эсе, джюз джууугъум болсун.
Ариуну – ауруу кёб.
Биреуге аманлыкъ этиб, кесинге игилик табмазса.
Зар адамны насыбы болмаз.
Гыдай эчки суугъа къараб, мюйюзле кёрмесе, джашма алкъын, дегенди.
Тойгъа алгъа да барма, тойда артха да къалма.
Гырджын – тепсини тамадасы.
Ашха уста, юйюнде болсун
Эм уллу байлыкъ – джан саулукъ.
Билим насыб берир, билим джолну керир.
Гугурук къычырмаса да, тангны атары къалмаз.
Мухар, кеси тойса да, кёзю тоймаз.
Тил – миллетни джаны.
Бастасын ашагъан, хантусун да ичер.
Окъуусуз билим – джокъ, билимсиз кюнюнг – джокъ.
Джарашыу сюйген – джалынчакъ.
Биреуге кёлтюрген таягъынг, кесинги башынга урур.
Мал ёлсе, сюек къалыр, адам ёлсе, иши къалыр.
Таукелге нюр джауар.
Гугук кесини атын айтыб къычыргъанча, мен, мен деб нек тураса?
Сагъышы джокъ – джукъучу, акъылы джокъ – къаугъачы.
Ушамагъан – джукъмаз.
Мал тутхан – май джалар.
Садакъачыны джаны – къапчыгъында.
Къартны сыйын кёрмеген, къартлыгъында сыйлы болмаз.
Ата – билек, ана – джюрек!
Башы джабылгъан челекге, кир тюшмез.
Къобан да къуру да къобханлай турмайды, адам да къуру да патчахлай турмайды.
Къартны бурнун сюрт да, оноугъа тут.
Келинни – келгинчи, бёркню кийгинчи кёр.
Гитче джилтин уллу элни джандырыр.
Дуния малгъа сатылма, кесингден телиге къатылма.
Сютден ауузу кюйген, суугъа юфгюре эди.
Ашлыкъ – бюртюкден, джюн – тюкден.
Джаз бир кюнню джатсанг, къыш талай кюнню абынырса.
Джангызны оту джарыкъ джанмаз!
Ёлмесенг да, къарт дамы болмазса?
Халкъгъа джарагъан, джарлы къалмаз.
Къартха ушагъан джаш – акъыллы, джашха ушагъан къарт – тели.
Накъырданы арты керти болур.
Къарт болгъан джерде, берекет болур, сабий болгъан джерде, оюн болур.