- Джарлы джети элни сёзюн этер.
- Айыбны суу бла джууалмазса.
- Къобан да къуру да къобханлай турмайды, адам да къуру да патчахлай турмайды.
- Тёзгеннге, джабылгъан эшик ачылыр.
- Эл ауузу – элек, анга ийнаннган – халек.
- Чомарт къолда мал къалмаз.
- Мухар, кеси тойса да, кёзю тоймаз.
- Къалгъан ишге къар джауар.
- Адебни адебсизден юрен.
- Кёпюр салгъан кеси ётер, уру къазгъан кеси кетер.
- Элни кючю – эмеген.
- Айтылгъан сёз ызына къайтмаз.
- Намыс сатылыб алынмайды.
- Билими азны – ауузунда кирит.
- Ёнгкюч къууана барыр, джылай келир.
- Билимли ёлмез, билимсиз кёрмез.
- Мал тутхан – май джалар.
- Эте билген, этген этеди, эте билмеген, юретген этеди!
- Туз, гырджын аша, тюзлюк бла джаша.
- Ачлыкъда тары гырджын халыуадан татлы.
- Махтаннган къыз, тойда джукълар.
- Хансыз джомакъ болмаз.
- Сабийликде юретмесенг, уллу болса – тюзелмез.
- Ач отунчуну ачыуу – бурнунда.
- Хаухну атма, ёнгкючню сатма.
- Хантына кёре тузу, юйюне кёре къызы.
- Къарт бла баш аша, джаш бла аякъ аша.
- Битмегеннге сакъал – танг.
- Кийимни бир кюнню аясанг, минг кюннге джарар.
- Тюзлюк тас болмайды.
- Чёбню кёлтюрсенг, тюбюнден сёз чыгъар.
- Кюн кёрмеген, кюн кёрсе, кюндюз чыракъ джандырыр.
- Къошда джокъгъа – юлюш джокъ.
- Аууздан келген, къолдан келсе, ким да патчах болур эди.
- Сёз садакъдан кючлюдю.
- Билимсиз иш бармаз.
- Аманны тукъумуна къарама, игини тукъумун сорма.
- Мал ёлсе, сюек къалыр, адам ёлсе, иши къалыр.
- Ишлемеген – тишлемез.
- Джаш къарыу бла кючлю, къарт акъыл бла кючлю.
- Къызбайны юйюне дери сюрсенг, батыр болур.
- Сагъыш – къартлыкъгъа сюйюмчю.
- Джылкъыдан – ат чыгъар, тукъумдан – джаш чыгъар.
- Элге къуллукъ этмеген, элге ие болмаз.
- Сёз къанатсыз учар.
- Аджалсыз ёлюм болмаз.
- Аман эсирсе, юйюн ояр.
- Бермеген къол, алмайды.
- Кёб джат да, бек чаб.
- Терек ауса, отунчу – кёб.