- Джаным-тиним – окъуу, билим.
- Азыкълы ат арымаз, къатыны аман джарымаз.
- Аз айтсам, кёб ангылагъыз.
- Окъ къызбайны джокълайды.
- Джыланны къуйругъундан басарынг келсе, аны башы болгъанын унутма.
- Аш кетер да бет къалыр.
- Билим – акъылны чырагъы.
- Ашда – бёрю, ишде – ёлю.
- Иги адам абынса да, джангылмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашлыкъны арба юйге келтирир, чана базаргъа элтир.
- Дженгил джетерикме деб, узун джолну къоюб, къысхасын барма.
- Тура эдим джата, къайдан чыкъды хата?
- Рысхы – сют юсюнде кёмюк кибикди.
- Аз сёлеш, кёб ишле.
- Эки къатын алгъан – эки ташны ортасына башын салгъан.
- Байлыкъ адамны сокъур этер.
- Тилчи бир сагъатха айлыкъ хата этер.
- Аман киши кеси юйюнде – къонакъ.
- Къарт бла баш аша, джаш бла аякъ аша.
- Башланнган иш битер, къымылдагъан тиш тюшер.
- Соргъан айыб тюлдю, билмеген айыбды.
- Джерни букъусу кёкге къонмаз.
- Юйлю уругъа ит чабмаз.
- Джол бла сёзню къыйыры джокъ.
- Берекет берсин деген джерде, берекет болур.
- Айыбны суу бла джууалмазса.
- Байлыкъ болгъан джерде, тынчлыкъ джокъду.
- Аджалсыз ёлюм болмаз.
- Байма, деб да, къууанма, джарлыма, деб да, джылама.
- Уллу сёзде уят джокъ.
- Туз, гырджын аша, тюзлюк бла джаша.
- Тели турса – той бузар.
- Биреуню къыйынлыгъы бла кесинге джол ишлеме.
- Эл ауузу – элек, анга ийнаннган – халек.
- Ёгюзню мюйюзлери ауурлукъ этмейдиле.
- Ашхылыкъ джерде джатмайды, аманлыкъ суугъа батмайды.
- Мал кёб болса, джууукъ кёб болур.
- Айтханы чапыракъдан ётмеген.
- Ашхы сёз таш тешер.
- Эринчекге кюн узун.
- Адамны сабийин сюйген джюреги, бычакъча, джитиди.
- Артына баргъанны, къатына барма.
- Адам къыйынлыгъын кёлтюрюр, зауукълугъун кёлтюрмез.
- Къазанда болса, чолпугъа чыгъар.
- Ишленмеклик адамлыкъды.
- Бичгенде ашыкъма, тикгенде ашыкъ.
- Сёлеш деб шай берген, тохта деб, сом берген.
- Хатерли къул болур.
- Ётген ёмюр – акъгъан суу.