- Харам къарнашдан, халал тенг ашхы.
- Ачыу алгъа келсе, акъыл артха къалады.
- Аш берме да, къаш бер.
- Суу ичген шауданынга тюкюрме.
- Адебни адебсизден юрен.
- Таукел адам тау тешер.
- Аш иеси бла татлыды.
- Игини сыйлагъан адетди.
- Берекет берсин деген джерде, берекет болур.
- Айраннга суу къош, телиге джол бош.
- Танг атмайма десе да, кюн къоярыкъ тюйюлдю.
- Эринчекге кюн узун.
- Чакъырылмагъан къонакъ тёрге атламаз.
- Тин – байлыгъынг, терен саулугъунг.
- Аз айтсам, кёб ангылагъыз.
- Миллетни бойну – базыкъ, аны бла кюрешген – джазыкъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ауурну тюбю бла, дженгилни башы бла джюрюген.
- Эрине къаргъыш этген къатын, эрнин къабар.
- Къонакъ аман болса, къонакъбай джунчур
- Аш кетер да бет къалыр.
- Билим къая тешер.
- Тили узунну, намысы – къысха.
- Сабийни джумушха джибер да, ызындан бар.
- Ургъан суудан башынгы сакъла.
- Этим кетсе да, сюегим къалыр.
- Билмегенинги, билгеннге сор.
- Сакъламагъан затынга джолукъсанг, не бек къууанаса, не бек ачыйса.
- Аман эсирсе, юйюн ояр.
- Келгинчи, къонакъ уялыр, келгенден сора, къонакъбай уялыр.
- Тюкюрюк баш джармаз, налат кёз чыгъармаз!
- Тура эдим джата, къайдан чыкъды хата?
- Уясында не кёрсе, учханында аны этер.
- Огъурлуну сёзю – суу, огъурсузну сёзю – уу.
- Битмегеннге сакъал – танг.
- Тилсиз миллет джокъ болур.
- Тешигини къатында, чычхан да батыр болур.
- Айтханы чапыракъдан ётмеген.
- Къарт айтханны этмеген, къартаймаз.
- Ёксюзню тилеги къабыл болур.
- Тели турса – той бузар.
- Ана кёлю – балада, бала кёлю – талада.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джиби бир къат джетмей эди да, эки къат тарта эди.
- Тойгъан антын унутур.
- Байны къызы баймакъ болса да, юйде къалмаз!
- Адебсиз адам – джюгенсиз ат.
- Байма, деб да, къууанма, джарлыма, деб да, джылама.
- Гугук кесини атын айтыб къычыргъанча, мен, мен деб нек тураса?
- Къошда джокъгъа – юлюш джокъ.