- Ашыкъгъан cуу, тенгизге джетмез.
- Джарлы тюеге минсе да, ит къабар.
- Тюзню ётмеги тюзде къалса да, тас болмаз.
- Къобан да къуру да къобханлай турмайды, адам да къуру да патчахлай турмайды.
- Кёб ант этген, кёб ётюрюк айтыр.
- Кёпюр салгъан кеси ётер, уру къазгъан кеси кетер.
- Джумушакъ терекни къурт ашар.
- Сакъалы текени да бар, мыйыгъы киштикни да бар.
- Аман эсирсе, юйюн ояр.
- Аманнга да, игиге да оноусуз къатышма.
- Арпа, будай – ащды, алтын, кюмюш а – ташды.
- Ишге юренсин къоллары, халкъ бла болсун джоллары.
- Онгсузну – джакъла, тенгликни – сакъла.
- Джырчы ёлсе, джыры къалыр.
- Аманны тукъумуна къарама, игини тукъумун сорма.
- Кесинг сынамагъан затны, адамгъа буюрма.
- Сёз къанатсыз учар.
- Ишлегенде эринме, ишде чолакъ кёрюнме.
- Тойчу джашха къарама, къойчу джашха къара.
- Иги джашны ышаны – аз сёлешиб, кёб тынгылар.
- Эл элде бирер малынг болгъандан эсе, бирер тенгинг болсун.
- Атлыны кёрсе, джаяуну буту талыр.
- Бет бетге къараса, бет да джерге къарар.
- Аш иеси бла татлыды.
- Хунаны тюбюн къазсанг, юсюнге ауар.
- Эри аманны, къатыны – аман.
- Башланнган иш битер, къымылдагъан тиш тюшер.
- Атлыны ашхысы, ат тизгининден билинир
- Байны оноуу, джарлыгъа джарамаз.
- Мал тутхан – май джалар.
- Окъугъанны бети джарыкъ.
- Эл ауузу – элек, анга ийнаннган – халек.
- Огъурлуну сёзю – суу, огъурсузну сёзю – уу.
- Окъуу – билимни ачхычы, окъуу – дунияны бачхычы.
- Ханнга да келеди хариблик.
- Ачыкъ джюрекге джол – ачыкъ.
- Юйюнг бла джау болгъандан эсе, элинг бла джау бол.
- Атынг аманнга чыкъгъандан эсе, джанынг тамагъынгдан чыкъсын.
- Ётюрюкню къуйругъу – бир тутум.
- Джети тилни билген джети кишиди.
- Джарлыны тону джаз битер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашыкъгъанны этеги бутуна чырмалыр.
- Атадан ёксюз – бир ёксюз, анадан ёксюз – эки ёксюз.
- Чакъырылмай келген къонакъ сыйланмай кетер.
- Кимни – тили, тиши онглу, кимни – къолу, иши онглу.
- Ач къалгъандан, кеч къалгъан къолай.
- Иши джокъну, сыйы джокъ.
- Къарт болгъан джерде, берекет болур, сабий болгъан джерде, оюн болур.
- Ашхы болсанг, атынг чыгъар, аман болсанг, джанынг чыгъар.
КЪАРАЧАЙ-МАЛКЪАР БАСМАДАН
Ответы
11.04.2020 21:23:00
Tinibek, "Къарачай" газетде короновирусну юсюнден джукъ джазамыдыла экен? Къарачайча, элледе да окъурча.
Я самая классная на форуме))))))))))))))
|
|
|
|
14.04.2020 01:27:27
Esenlik, Sauluk herkesge inşallah.. |
|||
|
|
14.04.2020 03:44:11
|
|
|
|
14.04.2020 03:56:36
2020 джыл, арттотур айны (апрель) 11, шабат кюн
КъЧР-ни Башчысыны эмда Правительствосуну пресс-къуллугъу билдиреди ПРЕЗИДЕНТ ДЖАНГЫ МАДАРЛАНЫ БАЯМЛАГЪАНДЫ Арттотур (апрель) айны 8-де Эресей Федерацияны Президенти Владимир Путин регионланы губернаторлары бла видеоконференция халда кенгеш бардыргъанды. Кенгешге Къарачай-Черкес Республиканы Башчысы Терезланы Рашид да къошулгъан эди. Кенгешни кёзюуюнде Президент коронавирус ауруу бла кюрешде амалсыз этилирге керекли джумушланы белгилегенди. Аланы ичинде саулукъ сакълау бла адамлагъа, сабийлери болгъан юйдегилеге социал кёлтюргючлюк этиуню да айтханды. Аны тышында да Владимир Путин Эресей Федерацияны адамларына энтда Чакъырыу этиб, бу къыйын кюнледе адамлагъа федерал дараджада къаллай болушлукъла этилликлерини тизимин баямлагъанды. 1. Арттотур (апрель) айдан башлаб, юч айны коронавирус бла ауругъанлагъа къарагъан медицина къуллукъчулагъа федерал бюджетден къошакъ ачха тёленникди. Аны бир айгъа ёлчеми: врачлагъа 80 минг сом; орта медицина ишчилеге медсестрала бла фельдшерлеге 50 минг сом; кичи медицина ишчилеге 25 минг сом; терк болушлукъда ишлеген врачлагъа 50 минг сом; терк болушлукъда ишлеген медсестралагъа, фельдшерлеге эмда машинаны джюрютгенлеге 25 минг сом. 2. РФ-ны регионларыны араларында транспорт джюрюуню, джолоучуланы да санаб, тыяргъа джарарыкъ тюлдю. 3. Хар регион кесини экономика ёсюмюне уллу юлюш къошхан предприятиелени тизимин къураргъа керекди. 4. Орта эмда гитче табышлылыкъ бла кюрешгенле тёлеген социал взносланы ёлчеми 30 процентден 15 процентге дери азайгъанды. 5. Адамла юйлеринде олтургъан кёзюуде ишлер мадарлары болмай хайырсыз къалгъан орта эмда гитче табышлылыкъ бла кюрешгенле социал фондлагъа ашыргъан страховой тёлеулерин алты айны ичинде тёлемезге эркиндиле. 6. Орта эмда гитче табышлылыкъ бла кюрешгенле алты айны ичинде НДСден къалгъан не тюрлю бергени да (налог) тёлемезге эркиндиле. 7. Табышлылыкъ бла кюрешгенлеге къаллай къошакъ болушлукъ этерге боллугъуну хакъындан РФ-ны Правительствосу бла Ара Банкы беш кюнню ичинде программа къурарыкъдыла. 8. Сабийлери болгъан ишсиз адамлагъа, ишсизлик ючюн тёленнген ачха бла сабийлеге берилген ачхадан тышында да аллыбызда юч айны ичинде ай сайын джыллары толмагъан хар сабий башына 3-шер минг сом тёлениб турлукъду. 9. Арттотур (апрель), хычаман (май) эмда никкол (июнь) айлада Ана капиталгъа эркинликлери болгъан юйдегилени 3 джылгъа дериги сабийлерине 5-шер минг сом берилликди. 10. 3 джылдан 7 джылгъа дери сабийлери болгъан юйдегилеге бериллик ачха бир айны алгъа, никкол (июнь) айдан, тёлениб башланныкъды. «Бу ачханы тёлеген заманда ата-ананы ишлегенлери бла къалгъанларына къарамай берирге теджейме». 11. Ишсиз болуб, аны ючюн пособие джарашдырыргъа быйылны алтотур (март) айыны 1-ден къагъытларын бергенлеге арттотур, хычаман эмда никкол (апрель, май, июнь) айлада пособиени ёлчемин МРОТха тенг этилиб, 12130 сом тёленникди. 12. Бу айлада паспортларыны, машина джюрютюрге эркинлик берген къагъытларыны, башха керекли къагъытланы ауушдурур заманлары джетгенлеге ала аллыбызда юч айны ичинде толу эркинликли ишлерча механизм къураллыкъды. 13. Президент потребитель эмда ипотека кредитлени тёлеуде бир кёзюуге дери каникулла бериуню хакъындан сорууну тамамлы джарашдырыргъа борч да салды.
Изменено: |
|
|
|
19.04.2020 06:19:55
Шабат кюн, байрым ай (фебраль), 1, 2020 жыл Интернет-версия: gazeta.zamankbr.ru З А М А Н Чакъырыу Жабраилни сынтылмагъан жюрек жарасы «Вопреки» деген проектни юсюнден биз алгъаракълада билдиргенбиз. Аны автору къарачайлы къыз Хубийланы Марийка, нёгерлери бла бирге биягъы малкъар эллеге айланып, съёмкала бардырады. Озгъан ыйыкъда ол Жангы Малкъарда болгъанды. Хаджиланы Жабраил бла да анда танышханды. Акъсакъал бла ушагъын Марийка, узакъгъа соза турмай, инстаграммда (@ karachay_balkaria) басмалап, миллетибизден болушлукъ тилегенди: «Бу адам кёрген зарауатлыкъланы юсюнден эшитген окъуна къыйынды. Бюгюн а аны бек уллу жюрек жарсыуун билдирип, адамла, сизден болушлукъ излейме. Бу къыйынлыкъ аны биргесине 1944 жылдан бериди. Ол жыл апрельде Жабраил эгечи Сапура бла, алагъа ол кезиуде 5-7 жыл болгъанды, ёксюз къалып, аш-суу излей, Жамбулну орамларында айлана эдиле. Аллай кюнлени биринде алагъа жыл саны 60-дан атлагъан бир тиширыу жанлайды. Биргесине уа - дагъыда бир гитче жашчыкъ. Сора ол Жабраилни алдап, эгешчигин урлап алып кетгенди. Андан бери аппа аны бир да кёрмегенди, тюбемегенди эм къадарындан аз да хапар билмейди…» Марийканы бу чакъырыуун халкъ эшитип, бир ненча кюнден бери Орта Азияда бла Къазахстанда къалгъан жууукъларына бла танышларына билдиргендиле. Социал сетьледе жазгъанларына кёре, жангылыкъла бардыла, алай аланы тынгылыракъ тинте турадыла. Къысха заманны ичинде Хаджиланы Сапураны къадарындан хапар эшитирбиз деп ийнанама. Биз да сизни, багъалы окъуучула, толуракъ хапар болгъанлай, шагъырей этерикбиз. ТАППАСХАНЛАНЫ Аминат. |
|
|
|
19.04.2020 06:32:00
Шабат кюн, тотурну арт айы (апрель), 18, 2020 жыл ЗАМАН 9
|
|
|
|
19.05.2020 15:44:16
Эбзеланы Юсуф хаджи кечюргенин биле эдим Къуранны ана тилге, ансы Хубийланы Абу-Хасан биринчи кечюргенин эшитмеген эдим.
Я самая классная на форуме))))))))))))))
|
|||||
|
|
26.05.2020 19:42:40
Ullu süyümçülükle berip Kur'an ana tilge köçürülgendi dep aythanla cazganla, alğadan Hubiylanı Abu Hasan'nı köçürgeninden, din kullukçulanı razılığı bla üç colda basmadan çıkhanından haparsız bolurele, ansı haparlı bolup körmezden eşitmezden kelip etkenesele tüz etmeğendile. Hubiyulu rahmatlı sau sağatta cılla alga Karaçay gazetada bir statyada tübegenem Kur'annı ana tilge köçürgenini üsünden haparga. Tögereğime tanışlarıma sorup körgenem elektron versiyasın ne de köçürmeni bir kaç caprağını photo kopyasın tabarga bolluk mudu dep.. Negese bir türlü tabılalmadı.. Ebzelanı Yusuf Haci rahmatlını köçürmesin caratıp okup tebregenem. Ana tilni bek igi bilgendi, ol da cılların bergendi bu işleğe. Köçürmeni köp cerinde calğan teyrileni "аллахла" dep köçürüp barganın esleğenimde alay cazılğanın tüzge sanamadım, munda bir canglışlık bolur dedim. Alay a köp cerinde tübeğenimde koydum. Endige deri tübeğenim hiç bir köçürmede allay zatha tübemeğenem. Kur'annı kesinde allay söz coktu. Kur'anda Allah bardı, alay a başha mağanala üçün de bolsa "allahla" dep söz coktu. Allah birdi, Allah biz Müslümanlanı bir bolğan teyrisini ençi atıdı. Söz üçün Kur'an'dakı ilah söz ilah dep köçürülse, har Karaçaylı anı anglarıktı, teyri dep köçürülse de bolur.. Elbrusoid'ni basmalağanı köçürmeni din kullukçula, müftüle kolga alıp tübeğenleri kemlikleni tüzeltip razılık bersele igi bollugedi.. |
|||
|
|
Читают тему (гостей: 1)