- Экеулен сёлеше тура эселе, орталарына барыб кирме.
- Чомарт бергенин айтмаз.
- Ишленмеклик адамлыкъды.
- Бети бедерден, намыс сакълама.
- Кесинге джетмегенни, кёб сёлешме.
- Эски джаугъа ышанма.
- Юйюнгден чыкъдынг – кюнюнгден чыкъдынг.
- Туз, гырджын аша, тюзлюк бла джаша.
- Ёпкелегенни ашы татлы болады.
- Тилсиз миллет джокъ болур.
- Эркиши – от, тиширыу – суу.
- Ач къалгъандан, кеч къалгъан къолай.
- Ач уят къоймаз.
- Борчунг бар эсе, хурджунунга ойлаб узал.
- Къобан да къуру да къобханлай турмайды, адам да къуру да патчахлай турмайды.
- Эки ойлашыб, бир сёлешген.
- Акъыллы эркиши атын махтар, акъылсыз эркиши къатынын махтар.
- Байлыкъ болгъан джерде, тынчлыкъ джокъду.
- Насыб бютеу халкъны юлюшюдю.
- Бет бетге къараса, бет да джерге къарар.
- Ишин билген, аны сыйын чыгъарады.
- Соргъан айыб тюлдю, билмеген айыбды.
- Тилчи бир сагъатха айлыкъ хата этер.
- Джыйырма къойну юч джыйырма эбзе кюте эди.
- Джогъун бар этген, барын бал этген.
- Гугук кесини атын айтыб къычыргъанча, мен, мен деб нек тураса?
- Телиге акъыл салгъандан эсе, ёлгеннге джан салырса.
- Баш болса, бёрк табылыр.
- Билим насыб берир, билим джолну керир.
- Адам сёзге тынгыла, акъыл сёзню ангыла.
- Кёл ашады да, кеси ашады.
- Аш хазыр болса, иш харам болур.
- Тин – байлыгъынг, терен саулугъунг.
- Джетген къыз джерли эшекни танымаз.
- Аман киши кеси юйюнде – къонакъ.
- Рысхысына кёре, джаш ёсер, къышлыгъына кёре, мал ёсер.
- Ата Джуртуму башы болмасам да, босагъасында ташы болайым.
- Ёлюк кебинсиз къалмаз.
- Эки къатын алгъан – эки ташны ортасына башын салгъан.
- Ашарыкъда сайлагъаннга – чий гырджын.
- Бермеген къол, алмайды.
- Аманнга алтын чыдамаз.
- Кёзюнде тереги болгъан, чёбю болгъаннга кюле эди.
- От этилмеген джерден тютюн чыкъмайды.
- Эр сокъур болсун, къатын тилсиз болсун.
- Джылкъыдан – ат чыгъар, тукъумдан – джаш чыгъар.
- Ач келгенни – тойдур, кеч келгенни – къондур.
- Тойгъандан сора, ашны сёкме.
- Телиге от эт десенг, юйюнге от салыр.
- Этни да ашады, бетни да ашады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72