- Адебсиз адам – джюгенсиз ат.
- Элде адам къалмаса, ит тахтагъа минер.
- Байлыкъ тауусулур, билим тауусулмаз.
- Терслик кетер, тюзлюк джетер.
- Аллахдан тилесенг, кёб тиле.
- Эм уллу байлыкъ – джан саулукъ.
- Адебни адебсизден юрен.
- Акъыл аздырмаз, билим тоздурмаз.
- Окъугъан – асыу, окъумагъан – джарсыу.
- Босагъа таш юйге кирмей эди, тыбыр таш эшикге чыкъмай эди.
- Керек ташны ауурлугъу джокъ.
- Тёрде – темир таякълы, къаяда – чыпчыкъ аякълы.
- Акъыл къартда, джашда тюйюлдю – башдады.
- Адеби болмагъан къыз – тузсуз хант.
- Юйлю уругъа ит чабмаз.
- Билим – акъылны чырагъы.
- Ашхы болсанг, атынг чыгъар, аман болсанг, джанынг чыгъар.
- Мал тутхан – май джалар.
- Хар ишни да аллы къыйынды.
- Мухардан ач ычхынмаз.
- Сабийни джумушха джибер да, ызындан бар.
- Акъыллы айтыр эди, акъылсыз къоймайды.
- Ёлген ийнек сютлю болур.
- Бети бедерден, намыс сакълама.
- Ашаса, ашамаса да, бёрюню ауузу – къан.
- Байны къызы баймакъ болса да, юйде къалмаз!
- Ишлегенде эринме, ишде чолакъ кёрюнме.
- Ашарыкъда сайлагъаннга – чий гырджын.
- Келлик заман – къартлыкъ келтирир, кетген заман – джашлыкъ ёлтюрюр.
- Таш бла ургъанны, аш бла ур.
- Байлыкъдан саулукъ ашхыды.
- Байдан умут эте, джарлыдан ёгюз багъасы къорады.
- Нафысынгы айтханын этме, намысынгы айтханын эт.
- Атлыны кёрсе, джаяуну буту талыр.
- Адамны сыфатына къарама, сёзюне къара.
- Джарашыу сюйген – джалынчакъ.
- Ашатыргъа иш – ашхы, ишлетирге аш – ашхы.
- Аш хазыр болса, иш харам болур.
- Эрни эр этерик да, къара джер этерик да, тиширыуду.
- Джерни букъусу кёкге къонмаз.
- Ариу сёз – къылычдан джити.
- Джашда акъыл джокъ, къартда къарыу джокъ.
- Тойгъан антын унутур.
- Аз сёлешген, къайгъысыз турур.
- Махтаннган къыз, тойда джукълар.
- Суу кетер, таш къалыр.
- Ариу сёзде ауруу джокъ.
- Къалгъан ишге къар джауар.
- Эки къатын алгъан – эки ташны ортасына башын салгъан.
- Артына баргъанны, къатына барма.
Для любителей творчества Сапара Узденова....
Ответы
25.09.2019 15:38:34
Багъалы къарнашыбыз, белгили поэтибиз, джырчыбыз, сыйлы адамыбыз Сапар!
Туугъан кюнюнг бла алгъышлайбыз! Излейбиз сеннге, тилейбиз Аллахдан сеннге саулукъ, насыб, андан да кючлю ийман! Аллах юйдегингден къууандырсын! Сен къаллай бир адамгъа джырларынг бла, назмуларынг бла тенглик этгенинги, билек болгъанынгы къуру да Аллах биледи, Аллах сууаб китабынга джазсын, Аллахдан уллу игиликле бла къайтсын хар харифинг! Джыр, назму джазгъанны тышында да адамлыгъынг, джюрек джумушакълыгъынг, миллетинги сюйгенинг, Ата джуртубузну суун-ташын сыйлагъанынг, къайдам, къайсы бирин айтайым, барысы адамны ийлешдирирча, юлгю алырча, махтау берирча, кебдю юсюнгде шартларынг. Меннге сени артыкъ да бек багъалы кергюзтген а, кърал тюрлениб, дуния не бир къуллукъчукъгъа илинирге, не сатыу-алыугъа джарашыб капек-шай этерге дыгалас этген сагъатда, сен творчество джолунгдан ары-бери таймай, айран-гырджын ашаб, кесинги ишинг бла кюрешгенинг. Перестройка да бошалды, СССР да чачылды, къралда тюрлениуле миллетибизни да тюрлендирдиле, сен а турдунг бирча. Ма шаа Аллах! Аллах хар къуру да тюз джолдан таймазча этсин сени да, сенден туугъан, тууарыкъ телюлени да! Туугъан кюнюнгю сылтауу бла уллу бюсюреуюмю билдиреме. Кеб джаша!
Я самая классная на форуме))))))))))))))
|
|
|
|
01.10.2022 14:50:37
Я самая классная на форуме))))))))))))))
|
|
|
|
01.10.2022 14:56:56
Я самая классная на форуме))))))))))))))
|
|
|
|
01.10.2022 15:03:42
Я самая классная на форуме))))))))))))))
|
||||
|
|
|||
Читают тему (гостей: 1)