- Аууздан келген, къолдан келсе, ким да патчах болур эди.
- Хар адамгъа кеси миннген тау кибик.
- Тойчу джашха къарама, къойчу джашха къара.
- Джарлы джети элни сёзюн этер.
- Хоншуну тауугъу къаз кёрюнюр, келини къыз кёрюнюр.
- Байма, деб да, къууанма, джарлыма, деб да, джылама.
- Нарт сёз къарт болмаз.
- Аякъларынгы джууургъанынга кёре узат.
- Ёлюк кебинсиз къалмаз.
- Ойнай-ойнай кёз чыгъар.
- Мал ёлсе, сюек къалыр, адам ёлсе, иши къалыр.
- Къарнынг тойгъунчу аша да, белинг талгъынчы ишле.
- Шапа кёб болса, аш татымсыз болур.
- Этек чакъмакълары баш джаргъан, сёлешген сёзлери таш джаргъан.
- Айтхан сёзюне табылгъан.
- Тынгылагъан тынгы бузар.
- Биреуню эскиси биреуге джангы болмайды.
- Юре билмеген ит, къонакъ келтирир.
- Келлик заман – къартлыкъ келтирир, кетген заман – джашлыкъ ёлтюрюр.
- Бал чибинни ургъаны – ачы, балы – татлы.
- Акъылсызны джууукъгъа алма, акъыллыны кенгнге салма.
- Чомарт бергенин айтмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ачны эсинде – аш.
- Къралынгы – душмандан, башынгы от бла суудан сакъла.
- Бозаны арты дауур болур.
- Сабийликде юретмесенг, уллу болса – тюзелмез.
- Тюкюрюк баш джармаз, налат кёз чыгъармаз!
- Таукел къуру къалмаз.
- Нафысынгы айтханын этме, намысынгы айтханын эт.
- Ургъан суудан башынгы сакъла.
- Къобан да къуру да къобханлай турмайды, адам да къуру да патчахлай турмайды.
- Огъурлуну сёзю – суу, огъурсузну сёзю – уу.
- Къыйынлы джети элге оноу этер.
- Чомарт къолда мал къалмаз.
- Уллу сёлешме да, уллу къаб.
- Артына баргъанны, къатына барма.
- Байны оноуу, джарлыгъа джарамаз.
- Уруну арты – къуру.
- Сёз – кюмюш, джыр – алтын.
- Ётюрюкню къуйругъу – бир тутум.
- Биреуге аманлыкъ этиб, кесинге игилик табмазса.
- Аманнга игилик этсенг, юйюнге сау бармазса.
- Халкъны джырын джырласанг, халкъ санга эжиу этер.
- Къартха ушагъан джаш – акъыллы, джашха ушагъан къарт – тели.
- Хаухну атма, ёнгкючню сатма.
- Баш – акъыл ючюн, акъылман – халкъ ючюн.
- Танг атмайма десе да, кюн къоярыкъ тюйюлдю.
- Ач къарным, тынч къулагъым.
- Чабакъ башындан чирийди.
Профиль
|
|
|
|||