- Кюн кёрмеген, кюн кёрсе, кюндюз чыракъ джандырыр.
- Керти сёзге тёре джокъ.
- Ата – билек, ана – джюрек!
- Иги джашны ышаны – аз сёлешиб, кёб тынгылар.
- Артына баргъанны, къатына барма.
- Билим – акъылны чырагъы.
- Эри аманны, къатыны – аман.
- Аш иеси бла татлыды.
- Ёгюзню мюйюзлери ауурлукъ этмейдиле.
- Къумурсхала джыйылсала, пилни да джыгъадыла.
- Олтуруб кёрюнмей эди да, ёрге туруб кёрюне эди.
- Эм уллу байлыкъ – джан саулукъ.
- Чакъырылмагъан къонакъ къачан кетерин сормаз.
- Джумушакъ сёз къаты таякъны сындырыр.
- Душманны тышы – акъ, ичи – къара.
- Тюкюрюк баш джармаз, налат кёз чыгъармаз!
- Ашхы адам – халкъ байлыгъы, ашхы джер – джашау байлыгъы.
- Ана – юйню кюн джарыгъы.
- Биреуню тёрюнден, кесинги эшик артынг игиди.
- Эте билген, этген этеди, эте билмеген, юретген этеди!
- Ашхылыкъ джерде джатмайды, аманлыкъ суугъа батмайды.
- Эл ауузу – элек, анга ийнаннган – халек.
- Бир онгсуз адам адет чыгъарды, деб эштирик тюлсе.
- Бал ашаргъа сюе эсенг, чибин ургъаннга тёз.
- Окъ къызбайны джокълайды.
- Аууз сакълагъан – джан сакълар.
- Чомарт къолда мал къалмаз.
- Аууздан келген, къолдан келсе, ким да патчах болур эди.
- Джашда акъыл джокъ, къартда къарыу джокъ.
- Бек анасы джыламаз.
- Джашны джигитлиги сорулур, къызны джигерлиги сорулур.
- Чомарт джарлы болмаз.
- Aдам боллукъ, сыфатындан белгили.
- Бет бетге къараса, бет да джерге къарар.
- Дуния мал дунияда къалады.
- Адамны сабийин сюйген джюреги, бычакъча, джитиди.
- Нёгер болсанг, тенг бол, тенг болмасанг, кенг бол.
- Биреуню къыйынлыгъы бла кесинге джол ишлеме.
- Арпа, будай – ащды, алтын, кюмюш а – ташды.
- Хатерли къул болур.
- Эр абынмай, эл танымаз.
- Ёксюзню тилеги къабыл болур.
- Чомарт бергенин айтмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ач къарынны, токъ билмез
- Хантына кёре тузу, юйюне кёре къызы.
- Тура эдим джата, къайдан чыкъды хата?
- Адам сёзге тынгыла, акъыл сёзню ангыла.
- Къонакъ кёб келюучю юйню, къазаны отдан тюшмез.
- Ашда – бёрю, ишде – ёлю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72