- Аджашхан тёгерек айланыр.
- Рысхы – насыбха къор.
- Бастасын ашагъан, хантусун да ичер.
- Дууулдаса – бал чибин, къонса – къара чибин.
- Эм ашхы къайын ана мамукъ бла башынгы тешер.
- Кёзню ачылгъаны – иги, ауузну джабылгъаны – иги.
- Кеси юйюмде мен да ханма.
- Кюлме джашха – келир башха.
- Арбаз къынгырды да, ийнек сауалмайма.
- Намысы болмагъанны, сыйы болмаз.
- Сабийни джумушха джибер да, ызындан бар.
- Азыкълы ат арымаз, къатыны аман джарымаз.
- Бал чибинни ургъаны – ачы, балы – татлы.
- Ашхы сёз таш тешер.
- Олтуруб кёрюнмей эди да, ёрге туруб кёрюне эди.
- Ата Джуртун танымагъан, атасын да танымаз.
- Шекер бла туз – бир болмаз, ушамагъан – юй болмаз.
- Ариу – кёзге, акъыл – джюрекге.
- Акъыл къартда, джашда тюйюлдю – башдады.
- Ат да турмайды бир териде.
- Халкъгъа джарагъан, джарлы къалмаз.
- Иги – алгъыш этер, аман – къаргъыш этер.
- Джаз бир кюнню джатсанг, къыш талай кюнню абынырса.
- Элни кючю – эмеген.
- Эри аманны, къатыны – аман.
- Иги болса, тамадама – махтау, аман болса, меннге – айыб.
- Къартны бурнун сюрт да, оноугъа тут.
- Къанны къан бла джуума, аманны аман бла къуума.
- Джиби бир къат джетмей эди да, эки къат тарта эди.
- Алма терегинден кери кетмез.
- Къартха ушагъан джаш – акъыллы, джашха ушагъан къарт – тели.
- Сабыр джетер муратха, сабырсыз къалыр уятха.
- Айран тёгюлсе, джугъусу къалыр.
- Ауузу аманнга «иги», деме.
- Термилгенинги табмазса, кюлгенинге тюберсе.
- Чарсда алчыны эл кёреди.
- Сёлеш деб шай берген, тохта деб, сом берген.
- Бал ашаргъа сюе эсенг, чибин ургъаннга тёз.
- Бозанг болмагъан джерге, къалагъынгы сукъма.
- Эл ауузу – элек, анга ийнаннган – халек.
- Ётюрюкню башын керти кесер.
- Терек ауса, отунчу – кёб.
- Ариу сёз – къылычдан джити.
- Билим – акъылны чырагъы.
- Акъыллы – эл иеси, тели – эл баласы.
- Адам къыйынлыгъын кёлтюрюр, зауукълугъун кёлтюрмез.
- Арпа, будай – ащды, алтын, кюмюш а – ташды.
- Намысы джокъну – дуниясы джокъ.
- Аякъларынгы джууургъанынга кёре узат.
- Кимни – тили, тиши онглу, кимни – къолу, иши онглу.
Знакомимся ближе, для новичков и не только)))
Ответы
Я самая классная на форуме))))))))))))))
|
|||
|
|
|
Читают тему (гостей: 1)