- Адеб базарда сатылмаз.
- Бет бетге къараса, бет да джерге къарар.
- Эринчекге кюн узун.
- Урунуу – насыбны анасы.
- Аз айтсам, кёб ангылагъыз.
- Уллу суу бла уллу ауруудан башынгы сакъла.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тели турса – той бузар.
- Игиге айтсанг – билир, аманнга айтсанг – кюлюр.
- Айтханы чапыракъдан ётмеген.
- Баш – акъыл ючюн, акъылман – халкъ ючюн.
- Ашыкъгъан cуу, тенгизге джетмез.
- Алгъанда – джууукъ, бергенде – джау.
- Ишленмеген джаш – джюгенсиз ат, ишленмеген къыз – тузсуз хант.
- Джерни букъусу кёкге къонмаз.
- Керек ташны ауурлугъу джокъ.
- Къая джолда джортма, ачыкъ сёзден къоркъма.
- Акъыллы – эл иеси, тели – эл баласы.
- Тынгылагъан тынгы бузар.
- Гугурук къычырмаса да, тангны атары къалмаз.
- Аман адам этегингден тутса, кес да къач.
- Нафысынгы айтханын этме, намысынгы айтханын эт.
- Билген билмегенни юретген адетди.
- Агъач – джерни чырайы, кийим – эрни чырайы.
- Джаханимни кёрмей, джандетге кёл салмазса.
- Джукъу тёшек сайламайды.
- Ашлыкъ – бюртюкден, джюн – тюкден.
- Ётюрюкню къуйругъу – бир тутум.
- Эл тойса, тоймагъан, эл къойса, къоймагъан.
- Гырджын – тепсини тамадасы.
- Джарлы тюеге минсе да, ит къабар.
- Бермеген къол, алмайды.
- Бюгюн дуния кибик, тамбла ахыратды.
- Эки къатын алгъан – эки ташны ортасына башын салгъан.
- Хаухну атма, ёнгкючню сатма.
- Ёлген ийнек сютлю болур.
- Башынга джетмегенни сорма.
- Нарт сёз – тилни бети.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кийимни бир кюнню аясанг, минг кюннге джарар.
- Билим ат болуб да чабар, къуш болуб да учар.
- Биреуню тёрюнден, кесинги эшик артынг игиди.
- Билим – акъылны чырагъы.
- Мухарны эси – ашарыкъда.
- Джангыз торгъай джырламаз.
- Ата джурт – алтын бешик.
- Эм уллу байлыкъ – джан саулукъ.
- Ашарыкъда сайлагъаннга – чий гырджын.
- Таш бла ургъанны, аш бла ур.
- Бир онгсуз адам адет чыгъарды, деб эштирик тюлсе.
Видео-проект Эльбрусоида "Они сражались за Родину....", Вечная слава Героям!
Читают тему (гостей: 1)