Эльбрусоид :: Форум :: Неуловимая

Джыланны къуйругъундан басарынг келсе, аны башы болгъанын унутма.
Къонакъны къачан кетерин сорма, къачан келлигин сор.
Ханы къызы буюгъа-буюгъа киштик болду.
Ётюрюкню башын керти кесер.
Билмегенинги, билгеннге сор.
Ачылгъан эт джабылыр, кёрген кёз унутмаз.
Атлыны ашхысы, ат тизгининден билинир
Билмейме деген – бир сёз
Атлыны кёрсе, джаяуну буту талыр.
Джеринден айырылгъан – джети джылар, джуртундан айырылгъан – ёлгюнчю джылар.
Кенгеш болса, уруш болмаз.
Байлыкъ тауусулур, билим тауусулмаз.
Аманнга да, игиге да оноусуз къатышма.
Оюмсуз атлагъан, аджалсыз ёлюр.
Кёзден кетген, кёлден да кетеди.
Таула не мийик болсала да, аууш табылыр.
Акъыллы эркиши атын махтар, акъылсыз эркиши къатынын махтар.
Аууз сакълагъан – джан сакълар.
Эрни эр этерик да, къара джер этерик да, тиширыуду.
Тил – кесген бычакъ, сёз – атылгъан окъ.
Ашлыкъ – бюртюкден, джюн – тюкден.
Къолу уллу – асыу, аягъы уллу – джарсыу.
Айраннга суу къош, телиге джол бош.
Келинни – келгинчи, бёркню кийгинчи кёр.
Бал – татлы, балдан да бала – татлы.
Гитче джилтин уллу элни джандырыр.
Атынг аманнга чыкъгъандан эсе, джанынг тамагъынгдан чыкъсын.
Хар сёзню орну барды.
Адамны сыфатына къарама, сёзюне къара.
Адамны адамлыгъы къыйынлыкъда айгъакъланады.
Юй кюйдю да, кюйюз чыкъды, ортасындан тюйюш чыкъды.
Тилде сюек болмаса да, сюек сындырыр.
Тойгъан джерге джети къайт.
Aдам боллукъ, сыфатындан белгили.
Къыйынлы джети элге оноу этер.
Акъыл бла адеб эгизледиле.
Къазанчы аман болса, къазаны къайнамаз.
Таш бла ургъанны, аш бла ур.
Этни да ашады, бетни да ашады.
Джашлыкъ этмеген, башлыкъ этмез.
Аджашхан тёгерек айланыр.
Къалгъан ишге къар джауар.
Окъугъанны бети джарыкъ.
Ачыкъ джюрекге джол – ачыкъ.
Ауругъанны сау билмез, ач къарынны токъ билмез.
Орундукъ тюбюнде атылсам да, орта джиликме, де да айлан.
Зар адам ашынгы ашар, кесинги сатар.
Эрине къаргъыш этген къатын, эрнин къабар.
Чабакъ башындан чирийди.
Къызны минг тилер, бир алыр.

Логин:
Пароль:
	Запомнить меня на этом компьютере

Забыли свой пароль?
Регистрация