- Байлыкъ адамны сокъур этер.
- Кимни – тили, тиши онглу, кимни – къолу, иши онглу.
- Узун джолну барсанг, бюгюн келирсе, къысха джолну барсанг, тамбла келирсе.
- Юйлю уругъа ит чабмаз.
- Эркишиге тары кебек танг кёрюнюр.
- Кёлсюзден сёзсюз тууар.
- Чомарт джарлы болмаз.
- Ауузу аманнга «иги», деме.
- Кюл тюбюндеги от кёрюнмейди.
- Айыбны суу бла джууалмазса.
- Кесинге джетмегенни, кёб сёлешме.
- Экеулен сёлеше тура эселе, орталарына барыб кирме.
- Кесине оноу эте билмеген, халкъына да эте билмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Игиге айтсанг – билир, аманнга айтсанг – кюлюр.
- Элге къуллукъ этмеген, элге ие болмаз.
- Тамбла алтындан бюгюн багъыр ашхы.
- Ким бла джюрюсенг, аны кёзю бла кёрюнюрсе.
- Эртде тургъан джылкъычыны эркек аты тай табар.
- Ёзденликни кёбю ётюрюк.
- Тюкюрюк баш джармаз, налат кёз чыгъармаз!
- Арпа, будай – ащды, алтын, кюмюш а – ташды.
- Эки элинги тыйсанг, джети элде махталырса.
- Къууут – джелге, берне – бошха.
- Сакъ юйюне сау барыр.
- Иши джокъну, сыйы джокъ.
- Ётген ёмюр – акъгъан суу.
- Чабакъсыз кёлге къармакъ салгъанлыкъгъа, чабакъ тутмазса.
- Байны оноуу, джарлыгъа джарамаз.
- Къатыны харакетли болса, эри къымсыз болур.
- Бал ашаргъа сюе эсенг, чибин ургъаннга тёз.
- Келгинчи, къонакъ уялыр, келгенден сора, къонакъбай уялыр.
- Къайгъы тюбю – тенгиз.
- Аман адамны тепсинге олтуртсанг, къызынгы тилер.
- Къоркъакъны кёзю экили кёрюр.
- Чыкълы кюнде чыкъмагъан, чыкъса къуру кирмеген.
- Ата – баланы уясы.
- Агъач – джерни чырайы, кийим – эрни чырайы.
- Биреуню къыйынлыгъы бла кесинге джол ишлеме.
- Джаралыны джастыгъында сау ёлюр.
- Ауурну тюбю бла, дженгилни башы бла джюрюген.
- Адеб базарда сатылмаз.
- Миллетни бойну – базыкъ, аны бла кюрешген – джазыкъ.
- Арба аугъандан сора, джол кёргюзтюучю кёб болур.
- Джылыгъа джылан илешир.
- Ачны эсинде – аш.
- Ариу сёз аурууунгу алыр.
- Айтылгъан буйрукъ, сёгюлмез
- Ат басханны джер билед.
- Таукел тауну аудурур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72