- Оюмсуз атлагъан, аджалсыз ёлюр.
- Намысы джокъну – дуниясы джокъ.
- Хунаны тюбюн къазсанг, юсюнге ауар.
- Экеулен сёлеше тура эселе, орталарына барыб кирме.
- Адамны джюреги нени кёрюрге сюйсе, кёзю да аны кёрюрге ёч болады.
- Кийимни бичсенг, кенг бич, тар этген къыйын тюлдю.
- Ата Джуртча джер болмаз, туугъан элча эл болмаз.
- Уллу атлама – абынырса, уллу къабма – къарылырса.
- Къартха ушагъан джаш – акъыллы, джашха ушагъан къарт – тели.
- Ат да турмайды бир териде.
- Ишленмеген джаш – джюгенсиз ат, ишленмеген къыз – тузсуз хант.
- Сабий кёргенин унутмаз.
- Бал ашаргъа сюе эсенг, чибин ургъаннга тёз.
- Ат басханны джер билед.
- Этек чакъмакълары баш джаргъан, сёлешген сёзлери таш джаргъан.
- Ашда уялгъан – мухар, ишде уялгъан – хомух.
- Экеу тутушса, биреу джыгъылыр.
- Сёз къанатсыз учар.
- Кёб къычыргъандан – къоркъма, тынч олтургъандан – къоркъ.
- Ата – баланы уясы.
- Ачлыкъда тары гырджын халыуадан татлы.
- Дуния мал дунияда къалады.
- Билим – акъылны чырагъы.
- Акъыл къартда, джашда тюйюлдю – башдады.
- Алтыда кюлмеген, алтмышда кюлмез.
- Садакъачыны джаны – къапчыгъында.
- Джарлы тюеге минсе да, ит къабар.
- Тенгинг джокъ эсе – изле, бар эсе – сакъла!
- Кёлю джокъну – джолу джокъ.
- Берекет берсин деген джерде, берекет болур.
- Ач келгенни – тойдур, кеч келгенни – къондур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тамырсыз терекге таянма – джыгъылырса.
- Кёл – къызбай, къол – батыр.
- Джюз элде джюз ёгюзюм болгъандан эсе, джюз джууугъум болсун.
- Ишге юренсин къоллары, халкъ бла болсун джоллары.
- Ауузу бла къуш тута айланады.
- Суугъа – чабакъ, къаягъа – ыргъакъ.
- Иги адамны бир сёзю эки болмаз.
- Арбаз сайлама да, хоншу сайла.
- Ариу сёз джыланны орнундан чыгъарыр.
- Иги болса, тамадама – махтау, аман болса, меннге – айыб.
- Адамны аманы адамны бети бла ойнар.
- Ишни ахырын ойламай, аллын башлама.
- Бёрю да ач къалмасын, эчки да ашалмасын.
- Эл тойса, тоймагъан, эл къойса, къоймагъан.
- Аз сёлешген, къайгъысыз турур.
- Къарнынг ауруса, ауузунгу тый
- Адебни адебсизден юрен.
- Бети къызарыучу адамны, джюреги харам болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72