- Айтхан – тынч, этген – къыйын.
- Къууут – джелге, берне – бошха.
- Уллу къашыкъ эрин джыртар.
- Кёб джат да, бек чаб.
- Къарны аманнга къазан такъдырма, къолу аманнга от джакъдырма.
- Адамгъа аман кюн соруб келмейди.
- Ауругъаннга – кийик саулукъ, джетген къызгъа – чилле джаулукъ.
- Этни бети бла шорпасы.
- Таякъ этден ётер, тил сюекден ётер.
- Эл ауузу – элия.
- Биреуню къыйынлыгъы бла кесинге джол ишлеме.
- Баланы адам этген анады.
- Бал ашаргъа сюе эсенг, чибин ургъаннга тёз.
- Итли къонакъ джарашмаз.
- Джангыз терек къынгыр ёсер.
- Къая джолда джортма, ачыкъ сёзден къоркъма.
- Адамны аманы адамны бети бла ойнар.
- Тин – байлыгъынг, терен саулугъунг.
- Экиндини кеч къылсанг, чабыб джетер ашхам.
- Джюз элде джюз ёгюзюм болгъандан эсе, джюз джууугъум болсун.
- Агъач – джерни чырайы, кийим – эрни чырайы.
- Aдам боллукъ, сыфатындан белгили.
- Джюрекден джюрекге джол барды.
- Халкъны джырын джырласанг, халкъ санга эжиу этер.
- Тамчы таш тешер.
- Хар сёзню орну барды.
- Иги сёз – джаннга азыкъ, аман сёз башха – къазыкъ.
- Ашхы болсанг, атынг чыгъар, аман болсанг, джанынг чыгъар.
- Билимден уллу байлыкъ джокъду.
- Алим болгъандан эсе, адам болгъан къыйынды.
- Тилде сюек болмаса да, сюек сындырыр.
- Алгъанда – джууукъ, бергенде – джау.
- Чоюнну башы ачыкъ болса, итге уят керекди.
- Термилгенинги табмазса, кюлгенинге тюберсе.
- Ётген ёмюр – акъгъан суу.
- Айырылгъанланы айю ашар, бёлюннгенлени бёрю ашар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бермеген къол, алмайды.
- Биреуге кёлтюрген таягъынг, кесинги башынга урур.
- Орундукъ тюбюнде атылсам да, орта джиликме, де да айлан.
- Башы джабылгъан челекге, кир тюшмез.
- Гитче джилтин уллу элни джандырыр.
- Бёрю да ач къалмасын, эчки да ашалмасын.
- Кёб къычыргъандан – къоркъма, тынч олтургъандан – къоркъ.
- Окъ къызбайны джокълайды.
- Къызбайны юйюне дери сюрсенг, батыр болур.
- Акъылсызны джууукъгъа алма, акъыллыны кенгнге салма.
- Элде адам къалмаса, ит тахтагъа минер.
- Игилик игилик бла сингдирилиучю затды.
- Аманны къуугъан, аманлыкъ табар.
Видео-проект Эльбрусоида "Они сражались за Родину....", Вечная слава Героям!
Читают тему (гостей: 1)