- Бек анасы джыламаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адебни адебсизден юрен.
- Ашаса, ашамаса да, бёрюню ауузу – къан.
- Ач къалгъандан, кеч къалгъан къолай.
- Акъыллы эркиши атын махтар, акъылсыз эркиши къатынын махтар.
- Ашлыкъ – бюртюкден, джюн – тюкден.
- Иги адамны бир сёзю эки болмаз.
- Намысы болмагъанны, сыйы болмаз.
- Чакъырылмагъан къонакъ – орунсуз.
- Джумушакъ сёз къаты таякъны сындырыр.
- Биреу ашаб къутулур, биреу джалаб тутулур.
- Тёзгеннге, джабылгъан эшик ачылыр.
- Ат да турмайды бир териде.
- Юй ишлеген балта эшикде къалыр.
- Ургъан суудан башынгы сакъла.
- Тас болгъан бычакъны сабы – алтын.
- Ушамагъан – джукъмаз.
- Адам къаллай бир ишленмесе, аллай бир кесин уллу кёреди.
- Адам сёзге тынгыла, акъыл сёзню ангыла.
- Миллетни бойну – базыкъ, аны бла кюрешген – джазыкъ.
- Абынмазлыкъ аякъ джокъ, джангылмазлыкъ джаякъ джокъ.
- Иги сеники эсе да, сюйген кесимикин этеме.
- Накъырданы арты керти болур.
- Джетген къыз джерли эшекни танымаз.
- Тойчу джашха къарама, къойчу джашха къара.
- Джарлы эскисин джамаса, къууаныр.
- Ариу сёз джыланны орнундан чыгъарыр.
- Халкъны джырын джырласанг, халкъ санга эжиу этер.
- Аманны тукъумуна къарама, игини тукъумун сорма.
- Ана къолу ачытмаз.
- Аман хансны – урлугъу кёб.
- Иши джокъну, сыйы джокъ.
- Айран тёгюлсе, джугъусу къалыр.
- Бал – татлы, балдан да бала – татлы.
- Чарсда алчыны эл кёреди.
- Сибиртки да сыйлы болду, кюрек да кюнлю болду.
- Окъумагъан сокъурду, сокъур ташха абыныр!
- Таугъа чыгъаллыкъ эсенг, тюзде къалма.
- Ач къарным, тынч къулагъым.
- Арбаз сайлама да, хоншу сайла.
- Нафысынгы айтханын этме, намысынгы айтханын эт.
- Бек ашыкъгъан меннге джетсин, дегенди аракъы.
- Тенгинг джокъ эсе – изле, бар эсе – сакъла!
- Къарнынг ауруса, ауузунгу тый
- Адамны артындан къара сабан сюрме.
- Джолда аягъынга сакъ бол, ушакъда тилинге сакъ бол.
- Къозулугъунда тоймагъан, къойлугъунда тоймаз.
- Чомарт къонакъ юй иесин сыйлар.
- Нарт сёз къарт болмаз.
РАЗНОЕ
|
Начштаба бригады Декушев:
|
||||
|
|
|
|||
Читают тему (гостей: 1)